ۇندىستانداعى سۋ تاسقىنىنان جۇزدەگەن ادام قازا بولدى

استانا. 5 تامىز. ۇندىستانداعى الاپات سۋ تاسقىنىنان قازا بولعاندار سانى 220 ادامنان استى. بۇل تۋرالى ريا «نوۆوستي» حابارلادى. ەلدىڭ ىشكى ىستەر مينيسترلىگىنە سىلتەمە جاساعان NetIndian باسىلىمى بۇدان بۇرىن تابيعي اپاتتان 180-نەن استام ادامنىڭ قازا بولعانىن جازعان. بىردەن بەس شتاتتا تولاسسىز جاۋعان نوسەر جاڭبىر ءۇندىستاننىڭ شىعىسى مەن باتىسىندا سۋ تاسقىنىنىڭ بولۋىنا اسەر ەتتى. باتىس بەنگاليا, مانيپۋر, رادجاستان, گۋدجارات جانە وديشا شتاتتارىندا ءجۇرىپ جاتقان جەدەل قۇتقارۋ ءىس-شارالارىنا قۇتقارۋشىلارمەن قاتار, ارميا بولىمشەلەرى مەن اسكەري اۆياتسيا جۇمىلدىرىلدى. وتكەن جىلى ءۇندىستان مەن پاكستاننىڭ سولتۇستىك اۋداندارىندا ورىن العان سۋ تاسقىنى 440-تان استام ادامنىڭ ءومىرىن ج ۇلىپ كەتتى. بيلىكتىڭ اقپارى بويىنشا, سول كەزدە پاكستاندا – 241, ال ءۇندىستاندا كەم دەگەندە 200 ادام قازا بولعان. اپات ايماعىنان 60 مىڭنان استام ادام قاۋىپسىز جەرگە كوشىرىلگەن. ايدار ورىسباەۆ. دەرەك: ria.ru. سۋرەت: ap.org.