جەتىسۋ وبلىسى الاكول اۋدانىنىڭ كوكمويىن شاتقالىندا تاۋلى جەردە قۇرعاق ءشوپ ورتەندى. بۇل تۋرالى قر توتەنشە جاعدايلار مينيسترلىگى حابارلادى.
ءورتتى سوندىرۋگە توتەنشە جاعدايلار دەپارتامەنتى مەن ورمان شارۋاشىلىعىنىڭ جەكە قۇرامىنان 90 ادام جانە 10 تەحنيكا تارتىلدى.
- كۇردەلى رەلەفكە بايلانىستى ءورتتى ءسوندىرۋ جۇمىستارى اۋەدەن دە جۇرگىزىلۋدە. تجم «قازاۆياقۇتقارۋ» اق-نىڭ سۋ توگۋ قۇرىلعىسىمەن جابدىقتالعان مي-8 تىكۇشاعى جۇمىلدىرىلدى, - دەپ جازدى ۆەدومستۆودان.
قازىرگى ۋاقىتتا ءورتتى وقشاۋلاۋ جانە ءسوندىرۋ جۇمىستارى جالعاسىپ جاتىر.