پەتروپاۆل. 17 اقپان. پەتروپاۆلداعى كوپقاباتتى تۇرعىن ۇيلەردىڭ بىرىندە گاز باللونى جارىلىپ, ك ۇلى كوككە ۇشا جازدادى. بۇل تۋرالى وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتى حابارلادى.
جارالىستىڭ قاتتى بولعانى سونشالىق, ءۇيدىڭ شاتىرى وپىرىلىپ, كورشى باسپانالاردىڭ قابىرعالارى جارىلىپ كەتكەن. ايتەۋىر, ادامدار ءدىن امان.
باستاپقىدا تۇرعىندار نە بولعانىن تۇسىنبەي دال بولعان. زارەلەرى ۇشىپ, قولدارىنا قۇجاتتارىن الىپ, سىرتقا قاراي جۇگىرگەن.
– اۋىر سوققىدان ءۇيدىڭ توبەسى ورتاسىنا تۇسكەن شىعار دەپ ويلادىق. اينەكتەرىنىڭ بىت-شىتى شىقتى. ءالى ەسىمىزدى جيا الماي تۇرمىز. دەرەۋ توتەنشە جاعداي قىزمەتىنە حابار بەردىك, دەيدى كورشى-قولاڭ.
گاز باللونى جارىلعان ەكى بولمەلى پاتەردە جالعىز ەر ادام تۇرىپ كەلىپتى. ازداپ كۇيىك العان ول اۋرۋحاناعا جاتۋدان باس تارتىپتى. پاتەر كۇردەلى جوندەۋدى قاجەت ەتەدى. ال كورشى باسپانانىڭ قابىرعاسىن تىرەۋىشتەر ۇستاپ تۇر.
ءومىر ەسقالي.
دەرەك: سولتۇستىك قازاقستان وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتى.
سۋرەت: thenews.kz.