26 مەن 27 شىلدە ارالىعىندا ەلوردادا كەزەكتى اۋىل شارۋاشىلىعى جارمەڭكەسى ۇيىمداستىرىلادى. ءىس-شاراعا قازاقستاننىڭ تۇكپىر-تۇكپىرىنەن كەلگەن شارۋا قوجالىقتارى مەن جەرگىلىكتى ءونىم وندىرۋشىلەر قاتىسادى, دەپ حابارلايدى Egemen.kz.
قالا اكىمدىگىنىڭ حابارلاۋىنشا, جارمەڭكە قوناقتارى مەن قالا تۇرعىندارى جاڭا پىسكەن كوكونىس پەن جەمىس-جيدەك, ەت جانە ءسۇت ونىمدەرى, نان-توقاش بۇيىمدارى, بال, توساپ, تابيعي شىرىندار جانە باسقا دا تاعام تۇرلەرىن قولجەتىمدى باعامەن ساتىپ الا الادى.
نەگىزگى ساۋدا الاڭى الاش تاس جولى, 35-ءۇي مەكەنجايىنداعى «KERYEN JOLY» ساۋدا ورتالىعىندا ورنالاسادى. جارمەڭكە تاڭعى 10:00-دەن كەشكى 19:00-گە دەيىن اشىق بولادى.
سونىمەن بىرگە ءدال وسى كۇندەرى قوسىمشا دەمالىس كۇنگى جارمەڭكەلەر دە جۇمىس ىستەيدى:
«كوكتال» سوو ماڭىندا (نۇرعيسا تىلەنديەۆ داڭعىلى, 12ا); بەيبارىس سۇلتان كوشەسى, 23 (ريو-دە-جانەيرو تۇرعىن ءۇي كەشەنىنە قاراما-قارسى).ايتا كەتەيىك بارلىق جارمەڭكەلەردىڭ جۇمىس ۋاقىتى بىردەي, ساعات 10:00-دەن 19:00-گە دەيىن جالعاسادى.