وسكەمەن. 17 اقپان. وسكەمەندەگى دەنەشىنىقتىرۋ-ساۋىقتىرۋ كەشەنى جاقىندا وليمپيالىق رەزەرۆتەگى مامانداندىرىلعان سپورت مەكتەبىنىڭ قاراۋىنا الىندى. قازىرگى كەزدە كەشەندە باسسەيندى تازالاۋ, وعان سۋ قۇيۋ جۇمىستارى جۇرگىزىلۋدە. جوندەۋ جۇمىستارى اياقتالعان سوڭ باسسەينگە كەلۋ كەستەسى ءبىرشاما وزگەرتىلەدى. بۇل تۋرالى egemen.kz ءتىلشىسى حابارلادى.
سپورت مەكتەبىنىڭ ديرەكتورى ارسەن تەننىڭ ايتۋىنشا, مۇندا مەكتەپ وقۋشىلارى مەن قالاداعى بارلىق سپورت بولىمدەرىنىڭ تاربيەلەنۋشىلەرى جۇزۋمەن جاتتىعاتىن بولادى. الايدا, بۇل قالا تۇرعىندارى ءۇشىن دەنەشىنىقتىرۋ-ساۋىقتىرۋ كەشەنىنىڭ ەسىگى جابىق دەگەندى بىلدىرمەيدى. ولار باسسەين سپورتشىلاردان بوساعان ۋاقىتتا جاتتىعا الادى. جاڭا كەستە 20 اقپاننان كەيىن بەلگىلى بولماق.
سونداي-اق مەكتەپ باسشىلىعى كەيبىر ساناتتاعى ازاماتتار ءۇشىن باسسەيندى تەگىن پايدالانۋ مۇمكىندىكتەرىن قاراستىرىپ وتىر.
«قازىر بىزدە سپورتشىلاردىڭ ءجۇزۋ كەستەسى ازىرلەنىپ جاتىر. سپورتشىلاردان بوساعان ۋاقىتتا باسسەين حالىق يگىلىگىنە جۇمىس ىستەيتىن بولادى. بۇرىن بالالار ءتۇرلى ورىنداردا جاتتىعاتىن. ەندى كەشەننىڭ مەكتەپ بالانسىنا بەرىلۋى ارقىلى كوپتەگەن سپورتتىق سەكتسيالار, كوركەم گيمناستيكا, ۆولەيبول جانە باسقا دا ۇيىرمەلەر تۇراقتى ورىنعا يە بولدى», – دەدى ارسەن تەن.
دۋمان اناش.
دەرەك: egemen.kz.
سۋرەت: yka.kz.