پوليتسيا قىزمەتكەرلەرى جاقىندا قىتاي حالىق رەسپۋبليكاسىنان ورالعان قازاقستاندىق ازاماتپەن الدىن الۋ جانە ءتۇسىندىرۋ باعىتىنداعى اڭگىمە جۇرگىزدى. بۇل شارا الەۋمەتتىك جەلىلەردە كەڭىنەن تارالعان بەينەروليكتەرگە بايلانىستى قولعا الىندى, دەپ جازادى Egemen.kz.
جەلىدە تاراعان بەينەلەردىڭ بىرىندە ول ازامات سەرىگىنىڭ قالتاسىنان ۇيالى تەلەفوندى الىپ, ونى كوشەدە ءوتىپ بارا جاتقان قىتاي ازاماتتارىنىڭ بىرىنە بەرەدى. كەيىن تەلەفون جوعالدى دەپ, سول ادامدى ايىپتاعان ءساتى كورسەتىلگەن.
تاعى ءبىر ۆيدەودا ول بەيتانىس ەر ادامدارعا جاقىنداپ, قولى مەن اياعىنان ۇستاعان. بۇل ارەكەتتەر كوشەدەگى جانە مەترو ستانتسيالارىنداعى ادامداردىڭ ۇرەيى مەن تۇسىنبەۋشىلىگىن تۋدىرعان.
ءتۇسىندىرۋ جۇمىستارى كەزىندە قىز بولعان وقيعاعا وكىنىش ءبىلدىرىپ, كەلەسىدەي تۇسىنىكتەمە بەردى: «مەنىڭ ۆيدەوم ەشكىمدى رەنجىتۋ ماقساتىندا تۇسىرىلمەگەن. بۇل – ويلانىپ جاسالماعان, اسىعىس جاريالانعان ماتەريال. ەگەر بەينەجازبام بىرەۋگە جاعىمسىز اسەر ەتكەن بولسا, كەشىرىم سۇرايمىن. ەندى كونتەنت جاريالاۋدا مۇقيات بولۋعا تىرىسامىن», – دەدى ول.
پوليتسيا وكىلدەرى الەۋمەتتىك جەلىلەردە قانداي دا ءبىر ماتەريال جاريالاۋ كەزىندە وتانداستارعا دا, شەت مەملەكەت ازاماتتارىنا دا قۇرمەتپەن قاراۋدىڭ ماڭىزدىلىعىن ەسكە سالادى. مۇنداي ارەكەتتەر ارانداتۋشىلىق رەتىندە قابىلدانىپ, قوعام تاراپىنان تەرىس رەاكتسيا تۋعىزۋى مۇمكىن.
سونداي-اق, شەتەلدە جۇرگەن ءاربىر ازامات سول ەلدىڭ قوعامدىق ءتارتىپ ەرەجەلەرى مەن زاڭدارىن, مادەنيەتى مەن مىنەز-ق ۇلىق نورمالارىن قۇرمەتتەۋگە مىندەتتى. بۇل تالاپتاردى بۇزۋ سول ەلدىڭ زاڭناماسى اياسىندا جاۋاپكەرشىلىككە تارتۋعا اكەلۋى مۇمكىن.