تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ بۇگىنگى ۇكىمەت وتىرىسىندا تاۋ-كەن سالاسىن ودان ءارى تسيفرلاندىرۋ بويىنشا جۇمىستى جاقسارتۋ بويىنشا ۇسىنىستارىن ورتاعا سالدى, دەپ جازادى Egemen.kz.
مينيسترلىك ۇسىنىمدارىنىڭ ىشىندە تسيفرلاندىرۋدى جانە يندۋستريانى ەنگىزۋدى جەدەلدەتۋ 4.0. باعدارلاماسى بار.
كەن ورىندارى ورنالاسقان شالعاي وڭىرلەردەگى ونەركاسىپتىك كاسىپورىنداردى سەنىمدى IoT-بايلانىسپەن جانە جوعارى جىلدامدىقتى ينتەرنەتپەن قامتاماسىز ەتۋ كوزدەلگەن. بۇعان تۇراقتى جانە ءتيىمدى جۇمىس ىستەۋ ءۇشىن 5G تەحنولوگياسىن نەمەسە سپۋتنيكتىك شەشىمدەردى ەنگىزۋ كىرەدى.ەكولوگيالىق مونيتورينگ ءۇشىن, ونىڭ ىشىندە شىعارىندىلاردى, سۋدىڭ لاستانۋىن جانە قورشاعان ورتانىڭ جالپى جاي-كۇيىن ناقتى ۋاقىت رەجيمىندە باقىلاۋ ءۇشىن جاساندى ينتەللەكت نەگىزىندە سەنسورلار مەن شەشىمدەردى بەلسەندى ەنگىزىلمەك.
سونداي-اق, «Qarmet» كومپانياسىنىڭ باس ديرەكتورى ۆاديم باسين تاۋ-كەن جانە مەتاللۋرگيا سالالارىندا يننوۆاتسيالىق تەحنولوگيالاردى ەنگىزۋ باعىتىندا اتقارىلىپ وتىرعان شارالادى ايتىپ بەردى.
2025-2028 جىلدار كەزەڭىندە كومپانيادا ءوندىرىس تيىمدىلىگىن, ءونىمنىڭ قاۋىپسىزدىگى مەن ساپاسىن ارتتىرۋعا باعىتتالعان بىرقاتار نەگىزگى جوبانى ىسكە اسىرۋ جوسپارلانىپ وتىر. كومىر دەپارتامەنتىن تسيفرلاندىرۋ جوبالارى اياسىندا 2024 جىلدىڭ تامىزىندا كومىر دەپارتامەنتىنىڭ ديسپەتچەرلىك-تالداۋ ورتالىعى قۇرىلعان. ورتالىق سەگىز شاحتانىڭ جەدەل مونيتورينگىن قامتاماسىز ەتەتىن DMMS ءوندىرىسىن باسقارۋدىڭ يننوۆاتسيالىق قازاقستاندىق جۇيەسىمەن جابدىقتالعان. جۇزەگە اسىرۋ باسقارۋدى ورتالىقتاندىرۋعا, وندىرىستىك تاۋەكەلدەردى ازايتۋعا جانە قاۋىپسىزدىكتى ارتتىرۋعا مۇمكىندىك بەردى. 2025 جىلى زەرتحانالىق اقپاراتتىق جۇيە نەگىزىندە ءونىم ساپاسىن باقىلاۋدى بىرتىندەپ ەنگىزۋ دە جوسپارلانعان. اۋىسىم الدىنداعى مەديتسينالىق كۋالاندىرۋ جۇيەسى ەنگىزىلىپ جاتىر. بۇل وندىرىستىك جاراقات الۋ قاۋپىن ازايتۋعا مۇمكىندىك بەرەدى. 2026 جىلى «وركەن» جشس تەمىر رۋداسى دەپارتامەنتىن جاڭعىرتۋ جانە تسيفرلاندىرۋ جۇمىستارى دا قولعا الىنادى. قازىر تەحنيكانى تيەۋدى وڭتايلاندىرۋ جانە جەدەل جوسپارلاۋدى قامتاماسىز ەتەتىن كەنىشتەردى يميتاتسيالىق مودەلدەۋ جۇيەسى ازىرلەنىپ جاتىر. ۆاديم باسين بولات دەپارتامەنتىنىڭ تسيفرلىق باستامالارىندا ءسوز ەتتى. «قازىرگى ۋاقىتتا قر ەكولوگيالىق كودەكسىنىڭ تالاپتارىنا سايكەس لاستاۋشى زاتتاردىڭ ناقتى شىعارىندىلارى تۋرالى دەرەكتەردى بەرۋ قامتاماسىز ەتىلۋدە. ەكولوگيالىق مونيتورينگتىڭ تيىمدىلىگىن ارتتىرۋ ءۇشىن جۇيەنى كەڭەيتۋ ماسەلەسى پىسىقتالىپ جاتىر. 2025 جىلدان باستاپ ەنەرگيامەن جابدىقتاۋ پارامەترلەرىن جەدەل باقىلاۋ جانە كاسىپورىنداردىڭ ەنەرگەتيكالىق جەلىلەرى مەن جابدىقتارىنىڭ تەحنيكالىق جاعدايى مەن جۇمىس رەجيمدەرىن باقىلاۋ ماقساتىندا ەنەرگيا رەسۋرستارىنىڭ شىعىنىن ەسەپكە الۋ مەن وڭتايلاندىرۋدى بىرتىندەپ ەنگىزۋ جۇرگىزىلۋدە», دەدى ول.
ال 2025 – 2027 جىلدار ىشىندە شيكىزات پەن دايىن ءونىمدى ناقتى ۋاقىت رەجيمىندە قاداعالاۋ مۇمكىندىگىمەن وندىرىستىك ۇدەرىستەردى اۆتوماتتاندىرۋ بويىنشا جۇمىس جۇرگىزىلەتىن بولادى.