جامبىل وبلىسىندا «مەرەيلى وتباسى» ۇلتتىق بايقاۋىنىڭ وڭىرلىك كەزەڭى مارەسىنە جەتتى. وبلىستىق بايقاۋدىڭ قورىتىندى كەزەڭىنە قاتىسقان ءوڭىر باسشىسى ەربول قاراشوكەەۆ جۇلدەگەر وتباسىلاردى ماراپاتتادى, دەپ حابارلايدى Egemen.kz.
بۇل بايقاۋ – تەك ۇلگىلى وتباسىلاردى ماراپاتتاۋ عانا ەمەس, سونىمەن قاتار بىرلىگى جاراسقان, بەرەكەلى شاڭىراقتاردى كوپشىلىككە تانىتىپ, وسكەلەڭ ۇرپاققا ونەگە ەتۋدىڭ جارقىن ۇلگىسى.
ەل پرەزيدەنتى بەيبىتشىلىك پەن دامۋدىڭ باستاۋى – وتباسىنداعى تاربيە, كوشەدەگى تازالىق, قوعامداعى بىرلىك ەكەنىن ۇنەمى ايتىپ كەلەدى. ءاربىر بەرەكەلى وتباسى – ەل بولاشاعىنىڭ كەپىلى. سوندىقتان بۇل بايقاۋدىڭ ءمانى تەرەڭ, ماڭىزى زور.
بۇگىن دارا شىققان وتباسىلار – تەك ءوز اۋلەتتەرىنىڭ عانا ەمەس, بارشا وبلىس جۇرتشىلىعىنا ۇلگى, قازاق ەلىنىڭ ماقتانىشى»,– دەدى ءوڭىر باسشىسى ماراپاتتاۋ راسىمىندە سويلەگەن سوزىندە.
«مەرەيلى وتباسى» ۇلتتىق كونكۋرسى وڭىرلىك كەزەڭىنىڭ قورىتىندىسى بويىنشا ءۇشىنشى ورىندى داۋىلباەۆتار (تالاس اۋدانى) جانە شايحيەۆتەر (مەركى اۋدانى) وتباسى يەلەندى. ەكىنشى ورىن وماروۆتار (مويىنقۇم اۋدانى) مەن ابدۋاليەۆتەردىڭ (جۋالى اۋدانى) شاڭىراعىنا بۇيىردى. ءبىرىنشى ورىن الىمبەتوۆتەر وتباسىنا (بايزاق اۋدانى) تابىستالدى. باس جۇلدەنى بەكتاسوۆتار اۋلەتى جەڭىپ الدى.
بايقاۋدا توپ جارعان وتباسىلار – ۇلاعاتتى ۇرپاق تاربيەلەپ, ءوڭىردىڭ الەۋمەتتىك-ەكونوميكالىق دامۋىنا سۇبەلى ۇلەس قوسىپ كەلەدى. ولاردىڭ اراسىندا تەمىرشولشىلار, جۇمىسشى ماماندار, كاسىپكەرلەر مەن شارۋالار, ءبىلىم جانە مادەنيەت سالاسىنىڭ مايتالماندارى بار. جەڭىمپازدارعا قارجىلاي سەرتيفيكات تابىستالدى (باس جۇلدە – 700 مىڭ, ءى ورىن – 600 مىڭ, ءىى ورىن – 500 مىڭ, ءىىى ورىن – 400 مىڭ).
تابيعات مۇسىلمانقۇل, جامبىل وبلىسى