بۇل تۋرالى جەكسەنبى كۇنى يزرايل ارمياسى حابار تاراتقان. BBC-ءدىڭ دەرەگىنشە, يزرايل تاراپى بۇعان دەيىن گازانىڭ ورتالىق ايماقتارىندا اسكەري قاقتىعىس جاساماعان, دەپ جازادى Egemen.kz.
يزرايل اسكەرى جۇزدەگەن مىڭ بوسقىن پانالايتىن دەير-ەل-بالاحتىڭ وڭتۇستىك-باتىسىنداعى بىرنەشە اۋداننىڭ تۇرعىندارىنا ۇيلەرىن تاستاپ, وڭتۇستىككە قاراي بەت الۋدى بۇيىرعان ۇنپاراقتاردى اۋەدەن تاستاعان.
بۇل تالاپ ءيزرايلدىڭ دەير-ەل-بالاح اۋدانىنا شابۋىل جاساۋعا ازىرلەنىپ جاتقانىن اڭعارتۋى مۇمكىن.
يزرايل ارمياسىنىڭ ءباسپاسوز حاتشىسى اۆيچاي ادراي X الەۋمەتتىك جەلىدەگى جازباسىندا ءيزرايلدىڭ دەير ەل-بالاح توڭىرەگىندە, ونىڭ ىشىندە «بۇرىن وپەراتسيا جۇرگىزبەگەن ايماقتا» «قىزمەتتەرىن كەڭەيتىپ جاتقانىن» جازعان. ول پالەستينالىقتاردى قاۋىپسىزدىك ءۇشىن جەرورتا تەڭىزى جاعالاۋىنداعى «وڭتۇستىككە ءال-ماۆاسي ايماعىنا كوشۋگە» شاقىرعان.
ال ەلدىڭ ءوز ازاماتتارى گازادا تۇتقىندا وتىرعاندار ءۇشىن الاڭداپ, ولاردى شابۋىلدان قالاي قورعايتىنى تۋرالى اقپارات تالاپ ەتىپ وتىر.