ساۋد ارابيادا 20 جىل كومادا جاتىپ, "ۇيقىداعى حانزادا" رەتىندە تانىلعان ال-ۆاليد يبن حالەد يبن تاليال ال ساۋد ويانباستان 36 جاسىندا ومىردەن ءوتتى, دەپ حابارلايدى Egemen.kz.
ونىڭ اكەسى, حانزادا حالەد يبن تاليال يبن ابدۋلازيز الەۋمەتتىك جەلىدەگى پاراقشاسىندا سۋىق حابارمەن ءبولىستى.
ال-ۆاليد 2005 جىلى لوندوندا وقىپ جۇرگەن كەزىندە جول اپاتىنا ءتۇسىپ, ميىنا قان قۇيىلىپ, كوماعا تۇسكەن بولاتىن. سودان بەرى ول ەر-ريادتاعى كورول ابدۋلازيز اتىنداعى مەديتسينالىق ورتالىقتا جاساندى تىنىس الۋ اپپاراتىندا, دارىگەرلەردىڭ باقىلاۋىندا جاتتى.
ونىڭ اكەسى ۇلىنىڭ ءومىرىن قولداۋشى اپپاراتتاردان اجىراتۋعا ءۇزىلدى-كەسىلدى قارسى بولدى. جىلدار بويى ال-ءۆاليدتى ەمدەۋگە اقش پەن يسپانيادان كەلگەن شەتەلدىك ماماندار دا اتسالىستى. الايدا بۇل ۇزاق ءارى قاجىرلى ەم-دوم ناتيجە بەرمەدى. حانزادا بىرنەشە جىل كومادا جاتىپ ەسىن جيماستان كوز جۇمدى.