كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ كەڭەس وتكىزىپ, ونىڭ بارىسىندا مەملەكەت باسشىسىنىڭ تاپسىرمالارىن ەسكەرە وتىرىپ, 2014-2015 جىلدارعا ارنالعان اۋىلشارۋاشىلىق ونىمدەرىن وڭدەۋ جانە ازىق-ت ۇلىك ونەركاسىبىن دامىتۋ جونىندەگى كەشەندى جوسپاردى جۇزەگە اسىرۋ مەن كوكەيكەستىلەندىرۋ ماسەلەلەرى قارالدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەڭەس جۇمىسىنا ورتالىق مەملەكەتتىك ورگانداردىڭ, «اتامەكەن» ۇلتتىق كاسىپكەرلەر پالاتاسىنىڭ, «قازاگرو» ۇبح-نىڭ, «دامۋ» قورىنىڭ, «قدب» اق-تىڭ باسشىلارى قاتىستى.
تالقىلاۋ قورىتىندىسى بويىنشا باقىتجان ساعىنتاەۆ اۋىل شارۋاشىلىعى, ينۆەستيتسيالار جانە دامۋ مينيسترلىكتەرىنە «اتامەكەن» ۇكپ-مەن بىرلەسىپ اۋىلشارۋاشىلىق ونىمدەرىن ءوڭدەۋ سالاسىنداعى باسىم جوبالاردىڭ كارتاسىن ازىرلەپ قالىپتاستىرۋدى تاپسىردى.
ەسكە سالا كەتەيىك, ۇستىمىزدەگى جىلدىڭ 11 اقپانىندا ۇكىمەتتىڭ كەڭەيتىلگەن وتىرىسىندا پرەزيدەنت ن.ءا.نازارباەۆ الەمدىك ەكونوميكاداعى جاڭا ءومىر شىندىعىن ەسكەرە كەلگەندە اۋىلشارۋاشىلىق ونىمدەرىن وڭدەۋ مەن ازىق-ت ۇلىك ونەركاسىبىن دامىتۋ شەشۋشى باعىت بولاتىندىعىن اتاپ كورسەتتى. وسى تۇرعىدا ۇكىمەتكە 2013-2014 جىلدارى باستالعان اوك سۋبەكتىلەرىن قارجىلاي ساۋىقتىرۋ جونىندەگى جۇمىستاردى ودان ءارى جالعاستىرۋ تاپسىرىلعان بولاتىن.