ۇلىتاۋ وبلىسىندا مەتاللۋرگتەردىڭ كاسىبي مەرەكەسى اتاپ ءوتىلدى. الدىمەن اكادەميك قانىش ساتباەۆتىڭ ەسكەرتكىشىنە گۇل شوقتارىن قويۋ ءراسىمى ءوتتى.مەرەكەدە ۇلىتاۋ ءوڭىرىنىڭ تاۋ-كەن, مەتاللۋرگيا سالالارىندا ۇزاق جىل ەڭبەك ەتىپ, سالا دامۋىنا ۇلەس قوسقان ازاماتتار ءتۇرلى ماراپاتتارعا يە بولدى. ولاردىڭ قاتارىندا بايىتۋشىلار, ينجەنەرلەر, ءوندىرىس شەبەرلەرى, سونداي-اق وسى سالاعا ەڭبەگى سىڭگەن ارداگەرلەر بار, دەپ حابارلايدى Egemen.kz.
كاسىبي مەرەكە يەلەرى «ەڭبەك داڭقى» ءىى جانە ءىىى دارەجەلى توسبەلگىلەرىمەن, ۇلىتاۋ وبلىسىنىڭ قۇرمەت گراموتاسىمەن, كاسىپورىننىڭ قۇرمەت گراموتالارىمەن, «ەڭبەك وزاتى» كاسىپوداق ماراپاتىمەن, «كاسىپوداقتىڭ قۇرمەتتى قايراتكەرى» توسبەلگىسىمەن, «Eńbek Tabysy» توسبەلگىسىمەن ماراپاتتالدى.
سالتاناتتى جيىندا سويلەگەن سوزىندە وبلىس اكىمى داستان رىسپەكوۆ:
«مەتاللۋرگيا – قازاقستان ەكونوميكاسىنىڭ تىرەگى. بۇل سالا – ەلىمىزدىڭ يندۋستريالىق قۋاتىن ايقىندايتىن ستراتەگيالىق باعىت. ال ۇلىتاۋ – مەتاللۋرگيانىڭ تاريحي مەكەنى. بۇگىنگى تاڭدا دا ءبىزدىڭ ءوڭىر – مەتالل ءوندىرىسىنىڭ ءىرى ورتالىعى رەتىندە ەل دامۋىنا ۇلەس قوسىپ وتىر. سىزدەردىڭ ماڭداي تەرمەن كەلگەن تابىستى ەڭبەكتەرىڭىز – حالقىمىزدىڭ ءال-اۋقاتىن ارتتىرۋدىڭ باستى كەپىلى», - دەپ مەتاللۋرگ مامانداردىڭ ەل يگىلىگى ءۇشىن اتقارىپ وتىرعان قىزمەتىنىڭ ماڭىزىن اتاپ ءوتتى.
بايىتۋشىلاردىڭ كاسىبي مەرەكەسى بۇگىن «مەتاللۋرگ Fest» فەستيۆالىمەن جانە الاشاحان الاڭىندا باستالاتىن گالا كونتسەرتپەن جالعاسادى.
ۇلىتاۋ وبلىسى