جوعارى ءبىلىم مەن عىلىم سالاسىندا جاڭا تەحنولوگيالاردى ەنگىزۋ باعىتىندا جۇمىستار جۇرگىزىلىپ جاتىر. سونىڭ ءبىرى – ازياداعى جەتەكشى عىلىمي-تەحنولوگيالىق جوعارى وقۋ ورىندارىنىڭ ءبىرى سانالاتىن كورەيانىڭ عىلىم جانە تەحنولوگيالار ينستيتۋتىنىڭ ۇلگىسى رەتىندە جاسالىپ جاتقان «QAIST» جوباسى, دەپ جازادى Egemen.kz.
جاقىندا عىلىم جانە جوعارى ءبىلىم ءمينيسترى ساياسات نۇربەك KAIST مودەلىندەگى «QAIST» عىلىمي-ءبىلىم بەرۋ جوباسىن ازىرلەۋگە قاتىسۋشى عالىم-ساراپشىلاردى قابىلدادى. جۇزدەسۋدە «QAIST» جوباسىن ىسكە اسىرۋدىڭ الداعى كەزەڭدەرى جان-جاقتى تالقىلاندى. كەزدەسۋدە عالىم-ساراپشىلار مينيسترگە جوبا بويىنشا اتقارىلىپ جاتقان جۇمىس ناتيجەلەرى باياندالىپ, الداعى جۇمىس جوسپارى تانىستىرىلدى.
ءوز سوزىندە مينيستر ساياسات نۇربەك اتالعان باستامانى قازاقستاندىق جانە كورەيالىق عالىمدارمەن بىرلەسە وتىرىپ, ساپالى جانە ۋاقىتىلى اياقتاۋدى تاپسىردى.
ايتا كەتەيىك, عۇماربەك داۋكەەۆ اتىنداعى الماتى ەنەرگەتيكا جانە بايلانىس ۋنيۆەرسيتەتىندە KAIST مودەلىندەگى «QAIST» عىلىمي-ءبىلىم بەرۋ جوباسىن ازىرلەۋ بويىنشا فورسايت-سەسسيا وتىرىسى وتكەن بولاتىن. مۇندا KAIST ۇلگىسىن قازاقستان جاعدايىنا بەيىمدەۋ مۇمكىندىكتەرى تالقىلانىپ, عالىم-ساراپشىلاردىڭ ۇسىنىس-پىكىرلەرى سارالاندى.