تۇركيا سوتى ستامبۋلدىڭ بۇرىنعى مەرى ەكرەم يماموعلۋدى ءبىر جىل سەگىز ايعا باس بوستاندىعىنان ايىردى, دەپ جازادى Egemen.kz.
سوت يماموعلۋدى ستامبۋل پروكۋرورىن جۇرت الدىندا بالاعاتتاپ, قورقىتقانى ءۇشىن كىنالى دەپ تاپتى. دەسە دە ايىپتالۋشى ءوز كىناسىن مويىنداماي, «مەن سوت جۇيەسىن تەرىس پايدالانۋمەن جانە ونى ساياسي قۇرال رەتىندە پايدالانۋمەن كۇرەستىم. بۇل شىن مانىندە ۇلتىمىزدى قورلاۋ», دەگەن پىكىرىن ايتىپ سالدى.
ءىستىڭ قوزعالۋىنا ەكرەم يماموگلۋدىڭ ستامبۋلدىڭ باس پروكۋرورى اكين گۇرلەككە جازعان, مازمۇنى بەلگىسىز مالىمدەمەلەرى سەبەپ بولعان. بۇل ءىس اكىمنىڭ 2025 جىلدىڭ قاڭتارىندا جاساعان مالىمدەمەلەرىنە قاتىستى ەكەنى حابارلانعان.
ايىپتاۋشى تاراپ يماموگلىنىڭ ساياسي بەلسەندىلىگىن شەكتەي وتىرىپ, كەم دەگەندە ەكى جىل سەگىز ايعا باس بوستاندىعىنان ايىرىلۋدى تالاپ ەتتى. سوت ۇكىمىمەن ول 1 جىل 8 ايعا قامالدى.
ايتا كەتەيىك, تۇركياداعى پرەزيدەنتتىك سايلاۋ 2028 جىلعا جوسپارلانعان, الايدا وپپوزيتسيا ونى مەرزىمىنەن بۇرىن وتكىزۋدى تالاپ ەتكەن بولاتىن. كەيىننەن پارتيا توراعاسى وزگيۋر فازەل مەرزىمىنەن بۇرىن سايلاۋعا قول جيناۋ جونىندەگى جالپىۇلتتىق ناۋقاننىڭ باستالعانىن حابارلاعان. الەمدىك باق ەكرەم يماموعلۋ ەلدىڭ قازىرگى پرەزيدەنتىنىڭ باستى قارسىلاستارىنىڭ ءبىرى بولعانىن اتاپ ءوتىپ جاتىر.