بيىلعى جىلدىڭ العاشقى التى ايىنىڭ قورىتىندىسى بويىنشا ەلىمىزدىڭ كولىك سالاسى 22,7%-عا ءوستى. مۇنداي مالىمەتتەردى ۇكىمەت وتىرىسىندا كولىك ءمينيسترى نۇرلان ساۋرانباەۆ كەلتىردى, دەپ حابارلايدى Egemen.kz.
سالانىڭ ءوسۋ ديناميكاسىنا جۇك تاسىمالىنىڭ جالپى كولەمىنىڭ ارتۋى اسەر ەتكەن, كورسەتكىش 550,7 ملن توننانى قۇراپ, وتكەن جىلمەن سالىستىرعاندا 10,9 %-عا جوعارىلاعان. ونىڭ ىشىندە اۆتوموبيل كولىگىمەن جۇك تاسىمالى 1,8 %-عا, تەمىرجول كولىگىمەن جۇك تاسىمالى 12,4 %-عا جانە قۇبىر ارقىلى تاسىمالدار 18,2 %-عا ارتقان. جولاۋشىلار تاسىمالى 10,5%-عا ءوسىپ, 928 ملن جولاۋشىنى قۇراعان.
جۇك تاسىمالى كولەمىنىڭ ءوسۋى ەكونوميكانىڭ بازالىق سەكتورىنىڭ دامۋى ەسەبىنەن قامتاماسىز ەتىلدى, اتاپ ايتقاندا تاۋ-كەن مەتاللۋرگياسى, مۇناي-گاز, اۋىل شارۋاشىلىعى, قۇرىلىس جانە ساۋدا سالالارىنىڭ ەسەبىنەن ءوستى.