قىزىلجاردىڭ كىرەبەرىسىنە ەرەكشە ەسكەرتكىش ورنادى. قالانىڭ وڭتۇستىك بەكەتى جاعىنان ورىن تەپكەن ونەر تۋىندىسى التى مىڭ جىل بۇرىن العاش جىلقىنى ۇلى دالانىڭ وسى تۇسىندا قولعا ۇيرەتكەنىن ايگىلەيدى.
اسپانعا قارعىعان ارعىماققا شالما تاستاپ توقتاتقان كوشپەلىلەر ونەرى دالامىزدا ءالى كۇنگە جالعاسىپ كەلە جاتقانىن ماقتانىشپەن ايتامىز. مىناۋ سونى بەينەلەپ تۇر. اساۋعا شالما تاستاۋ اسقان قابىلەتتى كورسەتەدى. بوتاي قونىسى ماڭىندا جىلقىعا تۇڭعىش قۇرىق سالىپ, ۇيرەتكەن بابالارىمىزعا قويىلعان بۇل ەسكەرتكىش قاي جاعىنان بولسىن ءساتتى شىققان. تاريحي ءارى تانىمدىق تۇرعىدان دا كەلىستى-اق. اساۋعا قۇرىق سالعان كوشپەلى ۇرپاعىنىڭ ارقاندى بەلگە وراپ, قازىقتاي قاتىپ تۇرعانىنىڭ ءوزى – بىرەگەي مادەنيەت. جىلقىنى تۇڭعىش ءمىنىپ, الەمدى تانۋعا العاش جول سالعام دەپ قازديا قالعانداي. اتقا مىنگەندە تۇياق استىندا دوڭگەلەپ قالاتىن قارا جەردىڭ شار ءتارىزدى بەينەسى دە ۇمىتىلماپتى. جىلقى, ادام, جەر, توبەسىن اسپان عانا تۇتا الادى... عانيبەتىن دە اتقا مىنگەندەر سەزەدى. قايىرلى بولسىن!