الەمدەگى ەڭ ءىرى التىن قورىنا يە ەلدەر اتالدى

كوش باسىندا – اقش. ماۋسىم ايىنىڭ باسىندا ەلدىڭ التىن قورى 8,1 مىڭ تونناعا جەتىپ, بۇل كورسەتكىش بويىنشا ءبىرىنشى ورىندى ساقتاپ قالعان. ونىڭ 4,6 مىڭ تونناسى كەنتۋككيدەگى ايگىلى فورت-نوكس قويماسىندا ساقتالعان.

ەكىنشى ورىندا – گەرمانيا. ەلدىڭ قورى 3,35 مىڭ توننا دەپ باعالانعان. الايدا سوڭعى جىلدارى بەرلين التىندى بەلسەندى تۇردە ساتا باستاعاندىقتان, بۇل كولەم 100 تونناعا قىسقارعان.

ءۇشىنشى ورىن – يتاليا (2,45 مىڭ توننا), ال ءتورتىنشى ورىن – فرانتسياعا تيەسىلى (2,43 مىڭ توننا). فرانتسيانىڭ التىن قورى 2009 جىلدان بەرى وزگەرمەگەن.

بەسىنشى ورىندا – قىتاي, وندا دا 2,43 مىڭ توننا التىن بار. رەسەي التىن كولەمى بويىنشا التىنشى ورىندا. ەلدىڭ ناقتى كورسەتكىشى رەسمي تۇردە جاريالانباسا دا, Bloomberg اگەنتتىگى رەسەيدىڭ قورىندا 2,33 مىڭ توننا التىن بارىن حابارلاعان.

ال ۇزدىك وندىقتى مىنا ەلدەر تۇيىندەيدى:

شۆەيتساريا – 1,04 مىڭ توننا; ءۇندىستان – 880 توننا; جاپونيا – 845,97 توننا; تۇركيا – 623,92 توننا.