ەلىمىزدە بالىق شارۋاشىلىعى قىزمەتكەرلەرىنىڭ كاسىبي مەرەكەسى سالتاناتتى تۇردە اتاپ ءوتىلدى. سالا ازىق-ت ۇلىك قاۋىپسىزدىگىن قامتاماسىز ەتىپ, حالىقتى جۇمىسپەن قامتۋعا ەلەۋلى ۇلەس قوسىپ وتىر, دەپ جازادى Egemen.kz.
مەرەكەگە وراي اتىراۋعا بارعان اۋىل شارۋاشىلىعى ۆيتسە-ءمينيسترى امانعالي بەردالين پرەمەر-ءمينيستردىڭ قۇتتىقتاۋىن جەتكىزدى. ەڭبەك وزاتتارى ماراپاتتالدى: رەسپۋبليكا بويىنشا 13 ادام «ەڭبەك سىڭىرگەن قىزمەتكەر», 21 ادام ء«مىنسىز قىزمەتى ءۇشىن» توسبەلگىسىنە, 25 ادام ءمينيستردىڭ قۇرمەت گراموتاسىنا يە بولدى.
سالتاناتتى ءىس-شارا اياسىندا جاڭا تەحنيكا مەن كولىكتەر بەرىلىپ, بالىق ءوسىرۋ فەرمالارى مەن وڭدەۋ كاسىپورىندارىنىڭ ونىمدەرى تانىستىرىلدى. ەلدە 12 مىڭنان استام ادام جۇمىس ىستەيتىن سالادا 1340 شارۋاشىلىق بار. جىل سايىن 45 مىڭ توننا بالىق اۋلانىپ, 600-دەن استام شارۋاشىلىقتا بالىق وسىرىلەدى. 2024 جىلى 74,7 ملن دوللاردىڭ بالىق ءونىمى ەكسپورتتالعان.