گرۋزيانىڭ باتۋمي قالاسىندا شاحماتتان ايەلدەر اراسىندا الەم كۋبوگى ءوتىپ جاتىر, دەپ حابارلايدى Egemen.kz.
اتالعان جاھاندىق دودادا مەرۋەرت كاماليدەنوۆا (رەيتينگتە 59-ورىن) 1/32 فينالدا قازىرگى چەمپيون سانالاتىن الەكساندرا گورياچكينانى (رەيتينگتە 6-ورىن) جەڭىپ كەتىپ, سەنساتسيا جاسادى.
ەلوردا اكىمدىگىنىڭ رەسمي سايتىنىڭ حابارلاۋىنشا الەمنىڭ 107 شاحماتشىسى سايىسىپ جاتقان تۋرنيردە ءار قاتىسۋشى قارسىلاسىمەن كلاسسيكالىق فورماتتا 2 پارتيا ويناپ, ءوزارا جەڭىمپازدى انىقتايدى. ەندى مەرۋەرت كاماليدەنوۆا ەرتەڭ قارا فيگۋرادا وينايدى.
2021 جىلدان بەرى ۇيىمداستىرىلىپ كەلە جاتقان تۋرنيردە ەڭ ۇزدىك ناتيجەنى دينارا سادۋاقاسوۆا تىركەپ, سول جىلى شيرەك فينالعا دەيىن جەتىپ, ءدال وسى الەكساندرا گورياچكيناعا جول بەرگەن بولاتىن.