مادەنيەت جانە اقپارات مينيسترلىگىنىڭ جانە ۇلتتىق كينونى قولداۋ مەملەكەتتىك ورتالىعىنىڭ ۇيىتقى بولۋىمەن تۇسىرىلگەن «سابىر» قىسقامەتراجدى ءفيلمى حالىقارالىق اۋديتوريانىڭ ىقىلاسىنا يە بولدى. تۋىندى «سineshort» قىسقامەتراجدى فيلمدەرىنىڭ الەمدىك پلاتفورماسىندا رەيتينگ كوشباسشىلارىنىڭ قاتارىنا ەندى.
فيلمدە وقىپ, جازا المايتىن ەكىنشى سىنىپ وقۋشىسى سابىرجاننىڭ وقيعاسى باياندالادى. اناسى مەن مۇعالىمدەرى ونى تۇسىنە المايدى. بالادا ديسلەكسيا دەرتى بار ەكەنىن بىلمەي, ءجيى سوگەدى. بۇل – ۇلكەندەر تاراپىنان تۇسىنىستىكتى قاجەت ەتەتىن ەرەكشەلىك. فيلم ماڭىزدى الەۋمەتتىك تاقىرىپتى كوتەرەدى جانە كورەرمەنگە مەكتەپتەگى بالالاردىڭ قيىندىعىنا مۇقيات قاراۋ قاجەتتىگىن جەتكىزەدى.
ءفيلمنىڭ رەجيسسەرلەرى – مارينا زيبەرت پەن دامير تاناتوۆ. جوبا ۇلتتىق جانە حالىقارالىق دەڭگەيدە جوعارى باعالاندى. «سابىر» VIII حالىقارالىق «Baiqonyr» كينوفەستيۆالىنىڭ ۇلتتىق بايقاۋىندا «ۇزدىك فيلم» جۇلدەسىنىڭ يەگەرى اتاندى, ال باستى ءرولدى ويناعان جاس اكتەر ساليح بەيسەنباي ءرولىن ۇزدىك سومداعانى ءۇشىن ماراپاتتالدى.
سونىمەن قاتار فيلم «Umut» حالىقارالىق كينوفورۋمىندا «ۇزدىك رەجيسسەر» سىيلىعىن جەڭىپ الدى. تورونتوداعى «Peaks Central Asian Film Festival» اياسىندا سولتۇستىك امەريكا پرەمەراسىندا ۇسىنىلدى.
ايتا كەتەيىك, «Cineshort» – بۇل ءداستۇرلى جانرداعى اۆتورلىق جانە فەستيۆالگە ارنالعان فيلمدەردى ۇسىناتىن حالىقارالىق قىسقامەتراجدى فيلمدەر پلاتفورماسى. «سابىر» كارتيناسى 9,3 بالل جيناپ, كورەرمەن قىزىعۋشىلىعىن تۋدىردى.