ەندى نوتاريۋستىڭ اتقارۋ پاراعى ەلەكتروندى تۇردە بەرىلەدى. بۇعان دەيىن ەل ازاماتتارى ونى الۋ ءۇشىن نوتاريۋسقا جەكە كەلىپ, قۇجاتتاردىڭ تۇپنۇسقاسىن بەرىپ, كەيىن سوت ورىنداۋشىسىنا حابارلاسۋ قاجەت بولعان. بۇل تۋرالى ادىلەت مينيسترلىگىنىڭ رەسمي وكىلى تالعات ءۋالي مالىمدەدى, دەپ جازادى Egemen.kz.
«نوتاريۋستىڭ اتقارۋ پاراعى قارىزدى ماجبۇرلەپ ءوندىرىپ الۋعا ارنالعان قۇجات. ياعني, بورىشكەردەن اقشانى نەمەسە م ۇلىكتى ءوندىرىپ الۋ ءۇشىن نوتاريۋس ارنايى بەلگى – اتقارۋ پاراعىن قويادى. مىسالى, نوتاريالدى كۋالاندىرىلعان نەمەسە نوتاريۋستىڭ اتقارۋ پاراعىندا تارماق جازىلعان نەسيە نەمەسە جالداۋ شارتى بولعان كەزدە, تالاپ قويۋشى سوت ورىنداۋشىلارىمەن تىكەلەي بايلانىسا الادى. بۇل جيناۋ پروتسەدۋراسىن جەڭىلدەتەدى», دەدى تالعات ءۋالي.
ەندى ءراسىم جەڭىلدەتىلگەننەن كەيىن اتقارۋ قۇجاتى نوتاريۋستىڭ ەلەكتروندىق تسيفرلىق قولتاڭباسى ارقىلى ەلەكتروندى فورماتتا بەرىلەدى. ءارى قاعازداعى قۇجات سياقتى زاڭدى كۇشكە يە بولادى.