اپات تاڭعى ۋاقىتتا, بالالار ساباققا بارا جاتقان كەزدە بولعان. وقۋشى قىز جاياۋ جۇرگىنشىلەر جولىنان ءوتىپ بارا جاتقان. سول ساتتە ونى كولىك قاعىپ, العان جاراقاتتارىنان بالا وقيعا ورنىندا كوز جۇمعان, دەپ حابارلايدى Egemen.kz.
كۋاگەرلەردىڭ ايتۋىنشا, جول-كولىك وقيعاسى باسقا وقۋشىلار مەن اتا-انالاردىڭ كوز الدىندا بولعان. وقيعا ورنىنا پوليتسيا قىزمەتكەرلەرى مەن جەدەل جاردەم بريگاداسى دەرەۋ جەتكەنىمەن, قىز بالانى امان الىپ قالۋ مۇمكىن بولمادى.
قوياندى اۋىلىندا ەكى وقۋشىنى كولىك قاعىپ كەتتى
اتىراۋ وبلىستىق پوليتسيا دەپارتامەنتىنىڭ مالىمەتىنشە, وقيعا تاڭعى ساعات 07:45 شاماسىندا تىركەلگەن.
«الدىن الا مالىمەتتەر بويىنشا, 1974 جىلى تۋعان جۇرگىزۋشى Toyota Hiace اۆتوكولىگىن باسقارىپ وتىرىپ, جاياۋ جۇرگىنشىلەر جولىمەن ءوتىپ بارا جاتقان 2018 جىلى تۋعان كامەلەتكە تولماعان بالانى قاعىپ كەتكەن», دەلىنگەن حابارلامادا.
استانادا مۇعالىم وقۋشىنى ۇرىپ جىبەرگەن: ءبىلىم باسقارماسى جاۋاپ بەردى
اتالعان فاكتى بويىنشا قىلمىستىق ءىس تىركەلىپ, تەرگەۋ امالدارى ءجۇرىپ جاتىر.
شىمكەنتتە مەكتەپ مۇعالىمى 7 جاستاعى وقۋشىنى قورلادى دەگەن كۇدىككە ءىلىندى
پوليتسيا دەپارتامەنتى جۇرگىزۋشىلەردى جول قوزعالىسى ەرەجەلەرىن قاتاڭ ساقتاۋعا, جىلدامدىقتى ازايتۋعا جانە جاياۋ جۇرگىنشىلەر جولىندا بارىنشا ساق بولۋعا شاقىرادى. ال اتا-انالارعا بالالاردىڭ جولداعى قاۋىپسىزدىگىن قاتاڭ باقىلاۋدا ۇستاۋ قاجەتتىگى ەسكەرتىلدى.