ءوڭىر پوليتسياسى ەرەجە بۇزعانداردى جول ءتارتىبىن قاداعالاۋ كەزىندە بەينەباقىلاۋ كامەرالارى ارقىلى انىقتاعان. «ستەللا-قالا» اۆتوجولىنداعى كورتەج وزگە جۇرگىزۋشىلەرگە دە كەدەرگى كەلتىرگەن, دەپ جازادى Egemen.kz.
كولىكتەر كولوننامەن قوزعالىپ, قوزعالىستى تەجەپ, جولداعى قاۋىپسىزدىك تالاپتارىن دا ورەسكەل بۇزعان. وسىعان بايلانىستى Mercedes-Benz, Lexus 570 (brr 14), Toyota Prado جانە Toyota Camry كولىكتەرىنىڭ جۇرگىزۋشىلەرى انىقتالىپ, ءتيىستى جاۋاپكەرشىلىككە تارتىلعان.تەكسەرۋ ناتيجەسىندە پوليتسيا قىزمەتكەرلەرى اقبتك-ءنىڭ بىرنەشە بابى بويىنشا: مانەۆر جاساۋ ءتارتىبىن ساقتاماۋ, جولاۋشىلاردى تاسىمالداۋ كەزىندە قاۋىپسىزدىك تالاپتارىنىڭ بۇزىلۋى ء(جۇرىس كەزىندە تەرەزەدەن دەنەنى شىعارۋ), قارسى جولاققا شىعۋ, قاۋىپسىزدىك بەلدىگىن تاقپاۋ, قايتا جولاق اۋىستىرعاندا بۇرىلىس شامىن قوسپاۋ, ساقتاندىرۋ ءپوليسىنىڭ بولماۋى سىندى فاكتىلەر نەگىزىندە 15 حاتتاما تولتىرعان.