سوڭعى ءبىر تاۋلىك ىشىندە يزرايل ارمياسىنىڭ اۋە سوققىلارى سالدارىنان گازا سەكتورىندا 100 -دەن استام ادام قازا تاپقان, دەپ حابارلايدى Egemen.kz تاسس-قا سىلتەمە جاساپ.
دەنساۋلىق ساقتاۋ مينيسترلىگىنىڭ مالىمەتىنشە, سوڭعى 24 ساعات ىشىندە گازا سەكتورىنداعى اۋرۋحانالارعا 105 ادامنىڭ ءمايىتى مەن 356 جارالى جەتكىزىلگەن.
«قازا تاپقاندار مەن زارداپ شەككەندەردىڭ ءبىر بولىگى ءالى دە قيراندىلار استىندا جانە جەدەل جاردەم مەن ازاماتتىق قورعانىس قىزمەتتەرى جەتە الماي جاتقان كوشەلەردە جاتىر», دەلىنگەن حابارلامادا.
سونداي-اق يزرايل اسكەرى گۋمانيتارلىق كومەك تاراتۋ ورىندارىندا كەزەكتە تۇرعان بەيبىت تۇرعىندارعا دا شابۋىل جاساعان. بۇل شابۋىلدار سالدارىنان كەمىندە 7 ادام كوز جۇمىپ, 74 ادام جارالانعان.
پالەستينا دەنساۋلىق ساقتاۋ مينيسترلىگىنىڭ دەرەگىنشە, 2023 جىلعى 7 قازاننان بەرى ءيزرايلدىڭ اسكەري ارەكەتتەرىنەن 57 523 ادام قازا تاۋىپ, 136 617 ادام جاراقات العان.
ال 2025 جىلدىڭ 18 ناۋرىزىندا يزرايل قايتا اسكەري وپەراتسيا باستاعاننان بەرى 6 964 ادام قازا تاۋىپ, 24 576 ادام جارالانعان.