سوڭعى تاۋلىكتە يزرايل ارمياسىنىڭ گازا سەكتورىنا جاساعان اۋە سوققىلارى سالدارىنان كەمىندە 118 پالەستينالىق كوز جۇمىپ, 581 ادام جاراقات العان, دەپ حابارلايدى Egemen.kz Al Jazeera-عا سىلتەمە جاساپ.
اقش پەن ءيزرايلدىڭ قولداۋىمەن جۇمىس ىستەيتىن گۋمانيتارلىق كومەك كورسەتۋ ورتالىقتارىنا دا شابۋىل جاسالعان. سالدارىنان 12 ادام قازا تاۋىپ, 49 ادام ءتۇرلى جاراقات العان.
سونىمەن قاتار سوڭعى كۇندەرى ايماقتاعى جاعداي كۇرت شيەلەنىسكەن. تەك سوڭعى 48 ساعاتتىڭ ىشىندە 300-دەن استام ادامنىڭ قازا تاپقانى بەلگىلى بولدى.
Al Jazeera دەرەگىنە سۇيەنسەك, اۋە سوققىلارىنىڭ كوپشىلىگى بەيبىت تۇرعىندار شوعىرلانعان باسپانا مەن قونىس اۋدارۋشىلار ورتالىقتارىنا باعىتتالعان.
يزرايل تاراپى بۇل شابۋىلداردى حاماس قوزعالىسىنىڭ اسكەري نىساندارىنا قارسى وپەراتسيالار دەپ سيپاتتاپ وتىر. الايدا تاۋەلسىز اقپارات كوزدەرى مەن حالىقارالىق گۋمانيتارلىق ۇيىمدار بەيبىت حالىقتىڭ جاپا شەگىپ جاتقانىن العا تارتقان.