قازاقستاندىقتار ءۇشىن دەمالىسقا شىعۋ بۇرىنعىدان دا قىمباتقا ءتۇسىپ وتىر. ۇلتتىق ستاتيستيكا بيۋروسىنىڭ مالىمەتىنە سايكەس, تۋريستىك جولدامالاردىڭ باعاسى ءبىر جىل ىشىندە ورتا ەسەپپەن 48%-عا وسكەن, دەپ حابارلايدى Egemen.kz.
سىرت ەلدەرگە باعىتتالعان تۋرپاكەتتەردىڭ ىشىندە تۇركيا كوش باستاپ تۇر, دەمالىس قۇنى 58%-عا ارتقان. كۇن ساۋلەسىنە قىزدىرىنۋ ءۇشىن ءجيى تاڭدالاتىن دۋبايعا ساپارلار ءتىپتى ودان دا قىمبات: بىرىككەن اراب امىرلىكتەرىندەگى تۋرلار 68%-عا قىمباتتاپ, رەكوردتىق ءوسىم كورسەتىپ وتىر.
ىشكى تۋريزم دە بۇل وزگەرىستەن تىس قالعان جوق. قازاقستان اۋماعىنداعى دەمالىس ۇيلەرى مەن ساناتوريلەرگە جولدامالار 15%-عا وسكەن. ايماقتار اراسىندا باعانىڭ ەڭ قاتتى ءوسۋى الماتى قالاسىندا تىركەلىپ وتىر. مۇندا تۋريستىك قىزمەتتەر 41%-عا قىمباتتاعان. ال استانا بۇل كورسەتكىش بويىنشا ەرەكشەلەنىپ وتىر, مۇندا باعا وزگەرىسسىز قالعان.