2025 جىلى 16 كينوجوبا مەملەكەتتىك قولداۋعا يە بولادى. ۆەدومستۆوارالىق كوميسسيا ىرىكتەۋدى ۇلتتىق كينونى قولداۋ مەملەكەتتىك ورتالىعىنىڭ ساراپتامالىق كەڭەسىنىڭ قورىتىندىسى بويىنشا جۇرگىزدى, دەپ جازادى Egemen.kz.
كوميسسيا مۇشەلەرى وتاندىق كينويندۋستريانى دامىتۋعا جانە ۇلتتىق قۇندىلىقتاردى ناسيحاتتۋعا ۇلەس قوسا الاتىن الەۋەتى جوعارى جوبالاردى تاڭدادى.
ايتا كەتەيىك, كونكۋرسقا انيماتسيا, دەرەكتى, كوركەم فيلمدەرى ساناتى بويىنشا 444 ءوتىنىم تىركەلگەن. ساراپتاما كەڭەسىنىڭ قاراۋىنا 357 جوبا جولداندى. باعالاۋ ناتيجەسىندە 128 ستسەناري مەن ستسەناريلىك جوسپار ەكىنشى كەزەڭگە ءوتتى. بۇل كەزەڭدە قاتىسۋشىلار تولىق قۇجاتتار پاكەتىن ۇسىندى. ناتيجەسىندە 99 جوبا پيتچينگكە جولداما الدى.
9-12 ماۋسىم ارالىعىندا الماتى قالاسىندا كونكۋرستىق ىرىكتەۋدىڭ ەكى كەزەڭىنەن ءساتتى وتكەن كينو جوبالاردىڭ پيتچينگى ءوتتى. پيتچينگ كينو ورتالىقتىڭ رەسمي YouTube ارناسىندا تىكەلەي ەفيردە كورسەتىلدى. بۇل كونكۋرستىڭ اشىقتىعى مەن ادىلەتتىلىگىنە دەگەن ۇستانىمدى كورسەتەدى.
ىرىكتەلگەن جوبالار تىزىمىمەن كەلەسى سىلتەمە ارقىلى تانىسۋعا بولادى.
كينوجوبالاردى قارجىلاندىرۋ تۋرالى سوڭعى شەشىمدى قازاقستان رەسپۋبليكاسى مادەنيەت جانە اقپارات مينيسترلىگى قابىلدايدى.