ەلىمىزدە كەيبىر قارۋ تۇرلەرىن ساتىپ الۋ ەرەجەسى وزگەردى

قانداي قارۋدى رۇقساتسىز الۋعا بولادى؟

ءىىم 2019 جىلى بەكىتكەن ازاماتتىق جانە قىزمەتتىك قارۋ مەن ولارعا ارنالعان وق-دارىلەر اينالىمى ەرەجەلەرىنە وزگەرىستەر ەنگىزىلدى. ەڭ باستى جاڭالىق – پنەۆماتيكالىق, سيگنالدى جانە وحولوششەندى قارۋ تۇرلەرىنە قاتىستى تالاپتاردىڭ جەڭىلدەۋى.

اتاپ ايتقاندا, كاليبرى 4,5 مم-گە دەيىن جانە ءدۇمپۋ ەنەرگياسى 7,5 دج-دەن اسپايتىن پنەۆماتيكالىق قارۋلار مەن سيگنالدى قارۋلاردى ەندى ارنايى رۇقساتسىز ساتىپ الۋعا بولادى. الايدا ساتىپ الۋشى كەلەسى قۇجاتتاردى ۇسىنۋى كەرەك:

سوتتالماعانى جونىندە انىقتاما; پسيحيكالىق جانە ناركولوگيالىق ديسپانسەرلەردەن الىنعان انىقتامالار; قارۋمەن قاۋىپسىز جۇمىس ىستەۋ بويىنشا دايىندىقتان وتكەنىن راستايتىن قۇجات.

ال اسكەري قىزمەتشىلەر (رەزەرۆتەگىلەردەن باسقا), ارنايى ورگاندار مەن قۇقىق قورعاۋ ورگاندارىنىڭ قىزمەتكەرلەرى ء(ورت ءسوندىرۋ قىزمەتىن قوسپاعاندا) مۇنداي انىقتامالاردى ۇسىنباي-اق, راستاۋشى قىزمەتتىك قۇجات نەگىزىندە قارۋ ساتىپ الا الادى.

گاز باللوندارىن ساتۋ ءتارتىبى قانداي؟

سلەزوتوچيۆتى نەمەسە تىتىركەندىرگىش اسەرى بار قۇرىلعىلار (مىسالى, مەحانيكالىق شاشىراتقىشتار, اەروزول باللوندار) دا رۇقساتسىز ساتىلادى, بىراق ساتۋشى تاراپىنان مىندەتتى نۇسقاۋلىق بەرىلۋى جانە ساتىپ الۋشىنىڭ ارنايى جۋرنالعا قول قويۋى تالاپ ەتىلەدى.

وحولوششەندى قارۋ – تەك رۇقساتپەن

بۇل قارۋ ءتۇرىن تەك:

قارۋ جيناۋعا ليتسەنزياسى بار ازاماتتار; «قارۋ اينالىمىن مەملەكەتتىك باقىلاۋ تۋرالى» زاڭدا كورسەتىلگەن زاڭدى تۇلعالار عانا ساتىپ الا الادى.

مەديتسينالىق انىقتاما قاجەت ەمەس

اسكەري قىزمەتشىلەر مەن ارنايى شەندى قىزمەتكەرلەرگە قارۋ ساتىپ الۋعا رۇقسات الۋ كەزىندە مەديتسينالىق قارسى كورسەتىلىمدەر تۋرالى انىقتاما ۇسىنۋ مىندەتتى ەمەس.

مەملەكەتتىك قىزمەتتەر – ەلەكتروندىق فورماتتا

سونىمەن قاتار ءىىم 2020 جىلعى 27 ناۋرىزدا بەكىتكەن بۇيرىققا دا وزگەرىستەر ەنگىزىلدى. ەندى قارۋ مەن پيروتەحنيكا اينالىمى بويىنشا بارلىق مەملەكەتتىك قىزمەتتەر ەلەكتروندىق فورماتتا (جارتىلاي اۆتوماتتاندىرىلعان تۇردە) كورسەتىلەدى.

بۇل قىزمەتتەرگە مىنالار كىرەدى:

ساۋدا, ءوندىرۋ, جيناۋ بويىنشا ليتسەنزيالار بەرۋ; تيرۋ مەن تاسىمالداۋعا رۇقساتتار; قارۋ ساقتاۋ, الىپ ءجۇرۋ, ساتىپ الۋ; يمپورت/ەكسپورتقا رۇقسات الۋ; پيروتەحنيكالىق زاتتارعا قاتىستى بارلىق رۇقسات تۇرلەرى.

قۇجاتتار ءتىزىمى دە جەڭىلدەتىلدى. مىسالى, وتىنىمدەر ەلەكتروندى ۇكىمەت ارقىلى تاپسىرىلادى, ال قاجەتتى مالىمەتتەر (تولقۇجات, سالىق تولەمى, قارۋ يەلەنۋ تاجىريبەسى ت.ب.) اۆتوماتتى تۇردە مەملەكەتتىك بازالاردان الىنادى. اسكەري قىزمەتشىلەر مەن شەندى تۇلعالار ءۇشىن مەديتسينالىق انىقتامالار ۇسىنۋ تالابى الىنىپ تاستالدى.

ەرەكشە تالاپتار

سپورتشىلار, اڭشىلار, تۋريستەر مەن شەتەل ازاماتتارى ءۇشىن ارنايى قۇجات فورمالارى مەن راستايتىن انىقتامالار قاجەت. مىسالى, سپورت فەدەراتسيالارىنان الىنعان انىقتامالار, ەلشىلىك قولداۋحاتتارى نەمەسە ەلەكتروندىق نۇسقاداعى رۇقسات قاعازدارى.

ءىىم 2020 جىلعى 22 قىركۇيەكتە بەكىتكەن رۇقسات قۇجاتتارىنىڭ تىزبەسىنە دە وزگەرىستەر ەنگىزىلدى. ەندى قارۋ ۇستاۋعا قارسى كورسەتىمدەردىڭ بولماۋىن راستايتىن انىقتاما جاڭا 076/ۋ فورماسىمەن بەرىلەدى.

بۇيرىق 2025 جىلدىڭ 1 تامىزىنان باستاپ كۇشىنە ەنەدى, ياعني العاشقى رەسمي جاريالانعان كۇننەن كەيىن 60 كۇن وتكەن سوڭ.