قاراعاندى وبلىسىنىڭ قازىبەك بي اۋداندىق پروكۋراتۋراسىنىڭ تالاپ-ارىزى بويىنشا مەكتەپكە قاراستى عيمارات مەملەكەتتىك مەنشىككە قايتارىلدى, دەپ جازادى Egemen.kz.
قاراعاندى قالاسىنىڭ مامانداندىرىلعان اۋدانارالىق ەكونوميكالىق سوتى جىلجىمايتىن م ۇلىك پەن جەر ۋچاسكەسىن ساتۋ-ساتىپ الۋ كەلىسىمدەرىن جارامسىز دەپ تانىدى. سوتقا شاعىمدانۋعا №16 ورتا مەكتەپكە قاراستى ەكى قاباتتى قوسىمشا عيماراتتىڭ جانە 1 گەكتاردان استام اۋماقتى قۇرايتىن جەر ۋچاسكەسىنىڭ جەكەشەلەندىرۋدەگى زاڭ بۇزۋشىلىقتار سەبەپ بولعان.
پروكۋراتۋرانىڭ ايتۋىنشا, ءبىلىم بەرۋ مەكەمەسى ءالى كۇنگە دەيىن جۇمىس ىستەپ تۇرعاندىقتان, مەكتەپتىڭ بالانسىنا تىركەلگەن م ۇلىكتەر جەكەشەلەندىرۋگە جاتپايدى. ساتۋ-ساتىپ الۋ كەلىسىمى قولدانىستاعى زاڭ تالاپتارىنا قايشى جاسالعان.
سوت پروكۋراتۋرانىڭ تالاپ-ارىزىن قاناعاتتاندىرىپ, ساتىپ الۋ-ساتۋ كەلىسىمدەرىن جارامسىز دەپ تانىپ, قاراعاندى قالاسى اكىمدىگىنىڭ ءتيىستى قاۋلىسىنىڭ كۇشىن جويدى. م ۇلىك مەملەكەتتىك كوممۋنالدىق مەنشىككە قايتارىلدى.
بۇعان دەيىن پروكۋراتۋرانىڭ باستاماسىمەن لەنين اتىنداعى كينوتەاتر دا زاڭسىز تۇردە ساتىلعانى انىقتالىپ, ول عيمارات تا مەملەكەت مەنشىگىنە قايتارىلعان بولاتىن.