شۆەتسياداعى «ICA» اتتى سۋپەرمار-كەتتەر جەلىسى 2001 جىلدان بەرى بۇرىن-سوڭدى بولماعان ەرەكشە تاسىلمەن جارناما جاساپ كەلەدى. اتالعان كومپانيا تەلەديداردان جاي عانا روليك كورسەتپەيدى, شاعىن سەريال ۇسىنادى.
ءار روليكتىڭ ۇزاقتىعى نەبارى 30-45 سەكۋند, بىراق وقيعا جەلىسى قىزىقتى ءارى تارتىستى بولعاندىقتان كورەرمەندەر بۇل جارنامانى ءتىپتى اسىعا كۇتەتىن بولعان. جاڭا ەپيزودتار ءار ەكى اپتا سايىن شىعىپ تۇرادى, ال جۇرتشىلىق بۇل سيۋجەتتەردى ميني-سەريال سەكىلدى قابىلدايدى. وسىلايشا, «ICA» جارناماسى وسى كۇنى الەمدەگى ەڭ ۇزاق ءارى ەڭ تانىمال جارنامالىق تەلەسەريالعا اينالدى.