قازاقستان مەن ازيا دامۋ بانكى سۋ رەسۋرستارىن ءتيىمدى باسقارۋ جانە كليماتتىڭ وزگەرۋىنە بەيىمدەلۋ ماقساتىندا ىنتىماقتاستىقتى كۇشەيتپەك. سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ ادب-نىڭ ورتالىق جانە باتىس ازيا بويىنشا باس ديرەكتورى گەننادي جۋكوۆپەن كەزدەسىپ, ەلىمىزدىڭ سۋ ينفراقۇرىلىمىن جاڭعىرتۋ مەن مۇزدىقتاردىڭ ەرۋىنە قارسى شارالاردى تالقىلادى, دەپ حابارلايدى Egemen.kz.
تاراپتار حالىقارالىق قارجى ۇيىمىنىڭ قازاقستاننىڭ سۋ شارۋاشىلىعى ينفراقۇرىلىمىن سالۋ جانە رەكونسترۋكتسيالاۋ جوبالارىنا قاتىسۋ مۇمكىندىگىن قاراستىردى.
قازىرگى تاڭدا سۋ رەسۋرستارى جانە يرريگاتسيا مينيسترلىگى ادب-عا ازىرلەنىپ جاتقان جوبالار ءتىزىمىن ۇسىندى. كەلەسى ايدا حالىقارالىق قارجى ۇيىمىنىڭ ساراپشىلارى بۇل جوبالاردى جان-جاقتى تالقىلاۋ ءۇشىن قازاقستانعا كەلەدى.
سونداي-اق مينيستر ادب وڭىرلىك باسشىلىعىمەن «مۇزدىقتاردان فەرمالارعا» حالىقارالىق باعدارلاماسى شەڭبەرىندە مۇزدىقتاردى ساقتاۋ جانە ولاردىڭ ەرۋىنە تۇراقتىلىقتى كۇشەيتۋ, سونىڭ ىشىندە يرريگاتسيالىق جەلىلەردى جاڭعىرتۋ جونىندەگى شارالاردى كوزدەيتىن ىنتىماقتاستىق مۇمكىندىكتەرىن سارالادى.
ء«بىز ۇزاقمەرزىمدى ءارى ەكى تاراپقا دا ءتيىمدى ىنتىماقتاستىققا ءۇمىت ارتامىز. مينيسترلىك سۋ شارۋاشىلىعى ينفراقۇرىلىمىن كەشەندى تۇردە جاڭعىرتۋ جوبالارىن ازىرلەپ جاتىر. وسى جوبالاردى جۇزەگە اسىرۋ ءۇشىن ءبىز حالىقارالىق قارجى ينستيتۋتتارىن كەڭىنەن تارتىپ جاتىرمىز جانە سۋ سالاسىن دامىتۋ جونىندەگى ارىپتەستەردىڭ ۇيلەستىرۋ كەڭەسى اياسىندا بەلسەندى جۇمىس جۇرگىزىپ كەلەمىز», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.