سوڭعى جىلدارى قازاقستاندا قۇقىقتىق ءتارتىپتى نىعايتۋ باعىتىندا اۋقىمدى رەفورمالار جۇزەگە اسىپ جاتىر. بۇل تۋرالى مەملەكەت باسشىسى قاسىم-جومارت توقاەۆ قۇقىق قورعاۋ ورگاندارىنىڭ كەڭەيتىلگەن القا ماجىلىسىندە ايتتى, دەپ حابارلايدى Egemen.kz.
«سوڭعى جىلدارى ەلىمىزدە بارلىق سالادا اۋقىمدى رەفورمالار جاسالىپ جاتىر. مەملەكەتتىڭ ساياسي جۇيەسى مەن ەكونوميكالىق قۇرىلىمى تۇبەگەيلى جاڭعىرۋدا. ەل ىشىندە جوعارى قۇقىقتىق مادەنيەت قالىپتاسىپ كەلەدى. ازاماتتىق جاۋاپكەرشىلىك يدەولوگياسى بەرىك ورنىعا باستادى. بۇل – ءبىزدىڭ ستراتەگيالىق باعدارىمىزعا ءتان اسا ماڭىزدى باسىمدىق», دەدى پرەزيدەنت.
مەملەكەت باسشىسىنىڭ ايتۋىنشا, ەلىمىز قۇقىق قورعاۋ جۇيەسىن جەتىلدىرۋگە جانە بارلىق سالادا زاڭ مەن ءتارتىپ ورناتۋعا باسا ءمان بەرەدى. وسى باعىتتا ناقتى ناتيجەگە قول جەتكىزدىك.
«2019 جىلدان بەرى قىلمىستىق قۇقىقبۇزۋشىلىق سانى شامامەن ەكى ەسە ازايدى. سونىڭ ىشىندە قاراقشىلىق, توناۋ, ۇرلىق پەن بۇزاقىلىق دەڭگەيى 4 ەسە تومەندەدى, ال كىسى ولتىرۋگە قاتىستى قىلمىستار 30 پايىزعا كەمىدى. قوعامدىق ورىندارداعى قىلمىس سانى 80 پايىزعا ازايدى. بۇل – ازاماتتارىمىز كوشەدە ەشتەڭەدەن قاۋىپتەنبەي, الاڭسىز جۇرە الادى دەگەن ءسوز», دەدى مەملەكەت باسشىسى.