ەلىمىزدە بۇدان بىلاي نومينالى 1 جانە 2 تەڭگەلىك مونەتالار شىعارىلمايدى. بۇل تۋرالى ۇلتتىق بانك توراعاسى تيمۋر سۇلەيمەنوۆ مالىمدەدى, دەپ حابارلايدى Egemen.kz.
ۇلتتىق بانك باسشىسىنىڭ ايتۋىنشا, مۇنداي تومەن نومينالداعى مونەتالاردى شىعارۋ ءتيىمسىز بولعاندىقتان, ولاردى شىعارۋ توقتاتىلادى.
ء«بىز 1 تەڭگەنى شىعارۋدىڭ ەكونوميكالىق تۇرعىدان ءتيىمسىز ەكەنىن مويىندايمىز. سوندىقتان ءبىزدىڭ بازالىق جوسپارىمىز مىناداي: 1 تەڭگە مەن 2 تەڭگە اينالىمدا قالا بەرەدى, بىراق ونى جاڭادان شىعارۋ جوسپاردا جوق», دەدى سۇلەيمەنوۆ.
ول اينالىمداعى قولدانىستاعى مونەتالار اينالىمنان الىنبايتىنىن, تەك جاڭاسىن شىعارۋ توقتايتىنىن ناقتىلادى.
«قازىر حالىقتىڭ قالتاسىندا, باسقا جەردە جۇرگەن مونەتالار اينالىمدا قالا بەرەدى. ءبىز ولاردى اينالىمنان المايمىز. بىراق جاڭالارىن جاساۋعا اقشا جۇمسامايمىز», دەپ تۇيىندەدى ۇلتتىق بانك توراعاسى.