قازاقستاندا جوعارى سۇرانىسقا يە ماماندىقتار اتالدى

مينيسترلىكتىڭ ورتا مەرزىمدى بولجامىنا سايكەس, 2029 جىلعا دەيىن ەلىمىزگە جالپى 2,9 ميلليون مامان قاجەت بولادى. سۇرانىس اسىرەسە الەۋمەتتىك جانە تەحنيكالىق سالالاردا ايقىن بايقالادى.

2025 جىلى ەڭ كوپ سۇرانىسقا يە ماماندىقتار:

جۇرگىزۋشىلەر – 67,8 مىڭ ادام; ورتا مەديتسينالىق پەرسونال (پاتسيەنت كۇتىمى) – 67,8 مىڭ; بۋحگالتەرلەر – 62,8 مىڭ; باستاۋىش سىنىپ مۇعالىمدەرى – 38,7 مىڭ; بالاباقشا تاربيەشىلەرى – 29,1 مىڭ; سانتەحنيكتەر – 27 مىڭ; تراكتوريستەر – 22,2 مىڭ; قۇرىلىسشىلار مەن مونتاجشىلار – 19,3 مىڭ; تىگىنشىلەر مەن كيىم جوندەۋشىلەر – 10 مىڭ.

ۆەدومستۆونىڭ مالىمەتىنشە, ەلىمىزدە اسىرەسە ناقتى سەكتورعا باعىتتالعان تاجىريبەلى ماماندارعا سۇرانىس جوعارى. بۇلار — مەديتسينا, ءبىلىم بەرۋ, كولىك, اۋىل شارۋاشىلىعى جانە قۇرىلىس سالالارى.

ساراپشىلاردىڭ بولجامى بويىنشا, كەلەسى جىلدارى دا ەڭبەككە سۇرانىس جوعارى بولادى. اتاپ ايتقاندا, 2026 جىلى – 259,9 مىڭ ادام, 2027 جىلى – 268,7 مىڭ, 2028 جىلى – 239,4 مىڭ جانە 2029 جىلى – 235,7 مىڭ.

وسى ورايدا مەملەكەت جۇمىس كۇشىن دايارلاۋ جانە قايتا دايارلاۋ باعىتىندا بىرنەشە باستامانى ىسكە اسىرىپ جاتىر. دۋالدى وقىتۋ جۇيەسى دامىپ, وڭىرلىك قاجەتتىلىكتەرگە نەگىزدەلگەن تسيفرلىق بولجام قۇرالدارى ەنگىزىلىپ جاتىر.