قازاقستان پرەزيدەنتى قاسىم-جومارت توقاەۆ قىتايعا 1 500 اقبوكەن (كيىك) بەرۋ تۋرالى شەشىم قابىلدادى. بۇل باستاما كورشى ەلدەگى سيرەك كەزدەسەتىن جانۋار پوپۋلياتسياسىن قالپىنا كەلتىرۋدى ماقسات ەتەدى, دەپ حابارلايدى Egemen.kz.
قازاقستاننان جىبەرىلەتىن كيىكتەر قىتايدىڭ باتىس بولىگىندە جەرسىندىرىلىپ, سول ايماقتاعى ەكوجۇيەنىڭ بايىرعى مۇشەسىن قايتا تىرىلتۋگە ۇلەس قوسادى. قىتاي حالىق رەسپۋبليكاسىنىڭ توراعاسى سي تسزينپين اتالعان باستاما ءۇشىن قازاقستان تارابىنا ريزاشىلىعىن ءبىلدىرىپ, اقبوكەندەردىڭ سانىن ارتتىرۋعا باعىتتالعان كەشەندى شارالار قولعا الىناتىنىن مالىمدەدى.
ايتا كەتەيىك, سوڭعى جىلدارى قازاقستاندا اقبوكەن پوپۋلياتسياسى ايتارلىقتاي كوبەيگەن. قابىلدانعان ەكولوگيالىق شارالار مەن تابيعاتتى قورعاۋ ساياساتىنىڭ ناتيجەسىندە كيىكتەر سانى قالپىنا كەلىپ, حالىقارالىق دەڭگەيدە تابيعاتتى ساقتاۋ باستامالارىنا سەرپىن بەرىپ وتىر.