الماتى قالاسىنىڭ پروكۋراتۋراسى مەن TELE2/ALTEL بايلانىس وپەراتورىنىڭ بىرلەسۋىمەن «SIM KIDS» اتتى بالالارعا ارنالعان ارنايى SIM-كارتا جوباسى رەسمي تۇردە قولدانىسقا ەنگىزىلدى, دەپ حابارلايدى Egemen.kz.
جوبا بالالاردى ينتەرنەتتەگى زياندى جانە دەسترۋكتيۆتى كونتەنتتەن قورعاۋعا باعىتتالعان. بۇل باستاما باس پروكۋروردىڭ تاپسىرماسىنا سايكەس ازىرلەنگەن 2023–2025 جىلدارعا ارنالعان كەشەندى جوسپار اياسىندا جۇزەگە اسىپ وتىر. جوسپار بالالاردى زورلىق-زومبىلىقتان قورعاۋ, ءسۋيتسيدتىڭ الدىن الۋ جانە ولاردىڭ قۇقىقتارى مەن ءال-اۋقاتىن قامتاماسىز ەتۋگە باعىتتالعان.
«SIM KIDS» SIM-كارتاسى اتا-انالارعا بالانىڭ ونلاين ارەكەتتەرىن باقىلاۋعا, زياندى سايتتار مەن قوسىمشالاردى اۆتوماتتى تۇردە بۇعاتتاۋعا مۇمكىندىك بەرەدى. سونداي-اق, دىبىسسىز رەجيمدە بولسا دا بايلانىس ۇزىلمەيدى.
پيلوتتىق كەزەڭنەن ءساتتى وتكەن جوبا بۇگىندە بارلىق اتا-انالار ءۇشىن قولجەتىمدى.