الەۋمەتتىك جەلىلەردە تاراعان بەينەجازبادا تۇران داڭعىلىنىڭ بويىندا ەكى ەر ادامنىڭ جولدىڭ جۇرگىن بولىگىندە سوزگە كەلىپ, قوعامدىق ءتارتىپتى ورەسكەل بۇزىپ, وزگە جول قوزعالىسىنا قاتىسۋشىلاردىڭ قاۋىپسىزدىگىنە نۇقسان كەلتىرگەنى بايقالعان, دەپ جازادى Egemen.kz.
استانا قالاسىنىڭ پوليتسيا دەپارتامەنتى اتالعان دەرەك بويىنشا تەكسەرۋ جۇرگىزىپ, قۇقىق بۇزۋشىلاردى انىقتادى. قالالىق مامانداندىرىلعان اۋدانارالىق اكىمشىلىك سوتتىڭ شەشىمىمەن ولار اكىمشىلىك قۇقىق بۇزۋشىلىق تۋرالى كودەكستىڭ 434-بابى («ۇساق بۇزاقىلىق») بويىنشا كىنالى دەپ تانىلىپ, 5 تاۋلىككە اكىمشىلىك قاماۋعا الىندى.
پوليتسيا دەپارتامەنتى ازاماتتاردى جول قوزعالىسى ەرەجەلەرىن قاتاڭ ساقتاۋعا, ءبىر-بىرىنە قۇرمەتپەن قاراۋعا شاقىرادى. قۇقىق قورعاۋ ورگاندارى قوعامدىق ءتارتىپتى بۇزۋعا باعىتتالعان كەز كەلگەن ارەكەتتى زاڭ اياسىندا قاتاڭ توقتاتاتىنىن ەسكەرتەدى.