جامبىل وبلىسىندا سۋپەرماركەتتىڭ جارناماسىن ءتۇسىرۋ كەزىندە بلوگەردىڭ اگرەسسيۆتى ارەكەتى وعان 10 تاۋلىككە اكىمشىلىك قاماۋعا الىنۋمەن اياقتالدى, دەپ حابارلايدى Egemen.kz.
پوليتسيا قىزمەتكەرلەرى جارناما ءتۇسىرۋ كەزىندە قوعامدىق ءتارتىپتى ورەسكەل بۇزعان بلوگەردى انىقتاپ, جاۋاپكەرشىلىككە تارتتى. ول كوپشىلىكتىڭ نازارىن اۋدارۋ ماقساتىندا اۆتوكولىكتىڭ الدىڭعى اينەگىن سىندىرعانىن قويىپ, جولاۋشى قىزبەن داۋىس كوتەرىپ سويلەسكەن. مۇنداي ارەكەت اينالاسىنداعى ادامداردىڭ قورقىنىشىن تۋدىرۋى مۇمكىن ەدى.
اتالعان فاكت بويىنشا بلوگەر «ۇساق بۇزاقىلىق» بابى بويىنشا جاۋاپكەرشىلىككە تارتىلىپ, 10 تاۋلىككە اكىمشىلىك قاماۋعا الىندى.
قۇقىق قورعاۋ ورگاندارى ازاماتتاردى قوعامدىق ورىنداردا ءتارتىپ پەن قۇقىقتىق نورمالاردى ساقتاۋعا, وزگەلەرگە قولايسىزدىق تۋدىرماۋعا جانە زاڭ تالاپتارىن بۇزباۋعا شاقىرادى.