جانۋارلاردى قورعاۋدىڭ دۇنيەجۇزىلىك ۇيىمى (جقدۇ) قازاقستاننىڭ جوعارى پاتوگەندى قۇس تۇماۋىنان ادا ەل مارتەبەسىنە يە ەكەندىگى جونىندەگى وزىندىك دەكلاراتسياسىن رەسمي تۇردە ماقۇلدادى, دەپ حابارلايدى Egemen.kz.
جقدۇ-نىڭ بۇل مويىنداۋى – قازاقستاندا ۆەتەريناريالىق باقىلاۋدىڭ جوعارى دەڭگەيدە جۇرگىزىلىپ وتىرعانىن راستاپ قانا قويماي, وتاندىق قۇس شارۋاشىلىعى ونىمدەرىنىڭ ەكسپورتتىق الەۋەتىن ارتتىرادى ءارى ۆەتەريناريالىق تالاپتارى قاتاڭ ەلدەر نارىعىنا شىعۋعا قوسىمشا مۇمكىندىك بەرەدى.
«حالىقارالىق تالاپتارعا سايكەس, اۋىل شارۋاشىلىعى مينيسترلىگى ەپيدەميولوگيالىق مونيتورينگ, الدىن الۋ شارالارى, قۇس دەنساۋلىعىنا جۇرگىزىلگەن باقىلاۋ مەن قازاقستان اۋماعىندا جوعارى پاتوگەندى قۇس تۇماۋىنىڭ وشاعى بولماعانى تۋرالى مالىمەتتەردى قامتيتىن تولىق قۇجاتتامانى جقدۇ-نا جولدادى», دەلىنگەن اۋىل شارۋاشىلىعى مينيسترلىگىنىڭ حابارلاماسىندا.