ەلىمىزدە ءۇيىرلى شەگىرتكەلەرگە قارسى اۋىل شارۋاشىلىعى القاپتارىن قورعاۋ ناۋقانى جالعاسۋدا, دەپ جازادى Egemen.kz.
بۇگىنگى تاڭدا كۇرەس شارالارى اياسىندا 1,8 ملن گەكتار جەرگە حيميالىق وڭدەۋ جۇرگىزىلدى. بۇل جوسپارلانعان 2,1 ملن گەكتاردىڭ 86,6 پايىزىن قۇرايدى.
وڭدەۋ جۇمىستارىنا 459 بىرلىك ارنايى بۇركۋ تەحنيكاسى جۇمىلدىرىلدى.
تۇركىستان وبلىسىندا حيميالىق وڭدەۋ جۇمىستارى اياقتالۋعا جاقىن, 371,79 مىڭ گەكتار جەر وڭدەلگەن.جامبىل وبلىسىندا 86,12 مىڭ گەكتار (80%) القاپقا وڭدەۋ جۇرگىزىلدى.
جۇمىستار ەلىمىزدىڭ تاعى 13 وڭىرىندە جۇرگىزىلىپ جاتىر. اتاپ ايتقاندا: قوستاناي وبلىسىندا – 391,04 مىڭ گا, اقتوبە وبلىسىندا – 388,93 مىڭ گا, باتىس قازاقستان وبلىسىندا – 191,48 مىڭ گا, اقمولا وبلىسىندا – 65,31 مىڭ گا, اتىراۋ وبلىسىندا – 50,84 مىڭ گا, قاراعاندى وبلىسىندا – 39,28 مىڭ گا جانە باسقا وڭىرلەردە.
اۋىل شارۋاشىلىعى داقىلدارىنا زيان كەلتىرۋ جاعدايلارى تىركەلگەن جوق.
وڭىرلەر قاجەتتى تەحنيكامەن, حيميالىق پرەپاراتتارمەن جانە باسقا دا رەسۋرستارمەن تولىق قامتاماسىز ەتىلگەن.
شەگىرتكەگە قارسى كۇرەس شارالارىن ۇيىمداستىرۋ بويىنشا سۇراقتار تۋىنداعان جاعدايدا 8 (7172) 72-53-83 ءنومىرلى Call-ورتالىققا نەمەسە Telegram-ارناداعى چات-بوتقا («سارانچا/شەگىرتكە 2025») حابارلاسۋعا بولادى.