مەملەكەت باسشىسى سۋ سالاسى قىزمەتكەرلەرىنىڭ جالاقىسىن كوتەرۋگە باعىتتالعان «تابيعي مونوپوليالار تۋرالى» زاڭعا وزگەرىستەر ەنگىزۋدى كوزدەيتىن زاڭعا قول قويدى, (1 قىركۇيەكتەن باستاپ كۇشىنە ەنەدى). تۇزەتۋلەردى سۋ رەسۋرستارى جانە يرريگاتسيا مينيسترلىگى ازىرلەگەن بولاتىن, دەپ حابارلايدى Egemen.kz.
وزگەرىستەر – سۋمەن جابدىقتاۋ جانە سۋ بۇرۋ قىزمەتتەرىن كورسەتەتىن 25 مىڭنان استام قىزمەتكەردىڭ جالاقىسىن ارتتىرۋعا مۇمكىندىك بەرەدى.
سالا مينيسترلىگىنىڭ ءباسپاسوز قىزمەتىنىڭ مالىمدەۋىنشە وڭىرگە جانە ستاتيستيكالىق دەرەكتەرگە قاراي جالاقى ورتا ەسەپپەن 35–50%-عا ءوسىپ, جىلۋ جانە ەلەكتر ەنەرگەتيكاسى سالالارىنداعى مامانداردىڭ دەڭگەيىنە دەيىن جەتەدى.
«ستاتيستيكالىق مالىمەتتەرگە سايكەس, جىلۋ جانە ەلەكتر ەنەرگەتيكاسى سالاسىندا ورتاشا جالاقى – 330 مىڭ تەڭگە. ال سۋ شارۋاشىلىعى سالاسىندا – 231 مىڭ تەڭگە. ايتارلىقتاي ايىرماشىلىق بار. قابىلدانعان تۇزەتۋلەر ەلىمىزدىڭ دامۋى ءۇشىن اسا ماڭىزدى سۋ سالاسىنىڭ كادرلىق الەۋەتىن ارتتىرۋعا باعىتتالعان», دەدى سالا ءمينيسترى نۇرجان نۇرجىگىتوۆ.
ەسكە سالايىق, بىلتىر سالا مينيسترلىگى «قازسۋشار» رمك قىزمەتكەرلەرىنىڭ جالاقىسىن ورتا ەسەپپەن 25%-عا كوتەرگەن.