وليمپيادا چەمپيونى, كاسىپقوي بوكسشى دانيار ەلەۋسىنوۆ كەلەسى جەكپە-جەگىن 2025 جىلدىڭ 19 شىلدەسىندە اقش-تىڭ پەنسيلۆانيا شتاتىندا وتكىزەدى. بۇل تۋرالى بەدەلدى BoxRec پورتالى حابارلادى. قازىرگى تاڭدا ونىڭ قارسىلاسى كىم ەكەنى ءالى بەلگىسىز, دەپ حابارلايدى Egemen.kz.
سول كۇنى وتەتىن بوكس كەشىندە تاعى ءبىر قازاقستاندىق تانىمال بوكسشى يۆان دىچكو دا شارشى الاڭعا شىعادى.
ەلەۋسىنوۆ سوڭعى رەت كاسىپقوي رينگكە 2021 جىلدىڭ جەلتوقسان ايىندا شىققان بولاتىن. ول كاسىپقوي بوكستا 12 كەزدەسۋ وتكىزىپ, بارلىعىندا جەڭىسكە جەتكەن. 2016 جىلى ريو وليمپياداسىندا التىن مەدال جەڭىپ العان.
2021 جىلى IBO نۇسقاسى بويىنشا جارتىلاي ورتا سالماقتا الەم چەمپيونى اتانعانىمەن, مانسابىنداعى ۇزىلىسكە بايلانىستى چەمپيوندىق بەلبەۋىنەن باس تارتۋعا ءماجبۇر بولدى. ايتا كەتەيىك, 2024 جىلدىڭ 28 اقپانىندا استانادا ونىڭ كەزەكتى جەكپە-جەگى ءوتۋى كەرەك ەدى, الايدا بوكسشىنىڭ جاراقاتىنا بايلانىستى جەكپە-جەك وتپەي قالدى.