الەم نازارىن وزىنە اۋدارۋدان جاڭىلمايتىن تەحنولوگيا الىبى يلون ماسك ساياسي مالىمدەمەسىمەن كوپشىلىكتىڭ قىزۋ تالقىسىنا تاعى دا ءتۇستى. بۇل جولى ول اقش پرەزيدەنتى دونالد ترامپقا قاتىستى ايتقان سىني پىكىرلەرىنە اشىق تۇردە وكىنىش ءبىلدىرىپ, ساياسي ساحناداعى كوپجاقتى قارىم-قاتىناس پەن جەكە پوزيتسيالاردىڭ قايشىلىعىن تاعى ءبىر مارتە كورسەتتى, دەپ جازادى Egemen.kz.
«وتكەن اپتادا پرەزيدەنتكە قاتىستى جاريالاعان كەيبىر جازبالارىما وكىنەمىن. ولار شەكتەن شىققان ەكەن», دەپ مالىمدەدى ماسك, ح الەۋمەتتىك جەلىسىندەگى جازباسىندا.
بۇعان دەيىن يلون ماسك اقش ۆيتسە-پرەزيدەنتى دجەي دي ۆەنستىڭ جازباسىن بولىسكەن بولاتىن. ۆەنس ءوز جازباسىندا Bloomberg اگەنتتىگىنىڭ اقپاراتىنا سۇيەنىپ, ماسك ۇكىمەت سالاسىنداعى جۇمىسىنا بايلانىستى ءوز داۋلەتىنىڭ 25 پايىزىنان ايىرىلدى دەپ اتاپ وتكەن بولاتىن.