جاز باستالعالى اقمولا وبلىسىندا بەس بالا تەرەزەدەن قۇلاپ كەتكەن. ءتارتىپ ساقشىلارى اتا-انالارعا قايعىلى جاعدايدىڭ الدىن الۋعا كومەكتەسەتىن نەگىزگى ەرەجەلەردى ەسكە سالدى, دەپ حابارلايدى Egemen.kz.
اقمولا وبلىسى پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, بەس بالانىڭ بىرەۋى العان جاراقاتىنان وقيعا ورنىندا كوز جۇمعان.
«تاعى ءبىر وقيعا 7 ماۋسىم كۇنى قوسشى قالاسىندا بولدى. كەزەكشى بولىمشەگە استاناداعى اۋرۋحانالاردىڭ بىرىنە 6 جاسار قىزدىڭ جاتقىزىلعانى تۋرالى حابارلاما كەلىپ ءتۇستى. وقيعا ورنىنا كەلگەن پوليتسەيلەر كامەلەتكە تولماعان بالانىڭ ۇيىندە ويناپ ءجۇرىپ تەرەزەدەن قۇلاپ كەتكەنىن الدىن الا انىقتاعان. تەرگەۋ جۇرگىزىلىپ جاتىر, ونىڭ قورىتىندىسى بويىنشا ءتيىستى شارالار قولدانىلادى», دەپ ءبولىستى ۆەدومستۆو.
پوليتسەيلەر اتا-انالاردى تاعى دا قىراعى بولۋعا شاقىرىپ, بالالاردى, اسىرەسە, جوعارعى قاباتتاردا ورنالاسقان پاتەرلەردە قاراۋسىز قالدىرماۋ كەرەكتىگىن ەسكە سالدى. سونداي-اق, بالا تەرەزەگە كوتەرىلە المايتىنداي ەتىپ جيھازدى تەرەزەلەردەن الىستاتۋ كەرەك. تەرەزەلەرگە بلوكاتورلار نەمەسە قورعانىس جولاقتارى ورناتىلۋى كەرەك.
ەسكە سالايىق, مامىر ايىنىڭ سوڭىندا ەلدە جىل باسىنان بەرى 60 بالانىڭ تەرەزەدەن قۇلاپ كەتكەنى حابارلانعان بولاتىن. توتەنشە جاعدايلار مينيسترلىگى ازاماتتاردى حاباردار ەتۋ ءۇشىن درونداردى پايدالانادى.