شىعىس قازاقستان وبلىسىندا پوليتسيا قىزمەتكەرلەرى مەن توتەنشە جاعدايلار قىزمەتى ورماندا اداسىپ كەتكەن قارت ايەلدى ءبىر تاۋلىك ىشىندە تاپتى, دەپ حابارلايدى Egemen.kz.
68 جاستاعى چەرەمشانكا اۋىلىنىڭ تۇرعىنى دارىلىك ءشوپ تەرۋ ءۇشىن اۆتوبۋسپەن وسكەمەن باعىتىنداعى زيموۆە اۋىلىنا جاقىن ورمان القابىنا كەتكەن. الايدا, كەشكە ۇيگە ورالماعان. كەلەسى كۇنى ول جاقىندارىنا قوڭىراۋ شالىپ, ورماندا اداسىپ كەتكەنىن جانە كەرى جولدى تابا الماي قالعانىن حابارلاعان.
ىزدەستىرۋ جۇمىستارىنا بىردەن پوليتسيا مەن قۇتقارۋ بولىمشەلەرى, ەرىكتىلەر مەن اۋىل ازاماتتارى جۇمىلدىرىلدى. بارلىق مۇمكىن رەسۋرستار پايدالانىلدى: ءموبيلدى توپتار, دروندار, راديوبايلانىس قۇرالدارى.
بەلسەندى ىزدەستىرۋ جۇمىستارى باستالعاننان كەيىن بىرنەشە ساعات ىشىندە, كەشكە قاراي ايەل ادام ورمان ىشىندەگى توبەنىڭ ەتەگىنەن تابىلدى. ول قاتتى شارشاپ, باعىت-باعداردان ايىرىلعان, بىراق امان-ەسەن بولعان. وعان العاشقى مەديتسينالىق كومەك كورسەتىلىپ, جاقىندارىنا تاپسىرىلدى.