باس پروكۋراتۋرا مەن قارجىلىق مونيتورينگ اگەنتتىگىنىڭ قىزمەتكەرلەرى, قر گرۋزياداعى ەلشىلىگىنىڭ كومەگىمەن قازاقستاننىڭ مەملەكەتتىك شەكاراسى ارقىلى جالعان بانكنوتتاردى وتكىزىپ, ساقتاعانى ءۇشىن قىلمىستىق جاۋاپتىلىققا تارتۋ ماقساتىندا ەل ازاماتىن گرۋزيادان ەكستراديتسيالادى, دەپ جازادى Egemen.kz.
ول 2024 جىلى تۇركيا رەسپۋبليكاسىنان جالعان بانكنوتتاردى اكەلىپ, قازاقستان اۋماعىنا وتكىزدى دەگەن كۇدىككە ىلىنگەن. قىلمىس جاساعاننان كەيىن كۇدىكتى جاسىرىنىپ, وعان حالىقارالىق ىزدەۋ جاريالانعان. وسى جىلدىڭ مامىرىندا ول گرۋزيا اۋماعىندا ۇستالىپ, باس پروكۋراتۋرانىڭ سۇراۋى بويىنشا ەلگە ەكستراديتسيالاندى. قازىرگى ۋاقىتتا كۇدىكتى تەرگەۋ يزولياتورىنا قامالعان. كۇدىكتىگە وسى قىلمىستى جاساعانى ءۇشىن مۇلكىن تاركىلەپ, بەس جىلدان ون جىلعا دەيىن باس بوستاندىعىنان ايىرۋ تۇرىندەگى جازا كوزدەلگەن.