تسيفرلىق باقىلاۋ بيۋدجەتتىڭ اشىقتىعىن جاڭا دەڭگەيگە كوتەردى

ونلاين بيۋدجەت مونيتورينگى (وبم) ءمودۋلىن قولدانۋ اياسىن كەڭەيتۋ جۇمىستارى جالعاسىپ جاتىر. بۇل جۇيە ناقتى ۋاقىت رەجيمىندە قارجى قاراجاتىنىڭ ماقساتتى جۇمسالۋىن باقىلاۋعا مۇمكىندىك بەرەدى.

نەگىزگى ارتىقشىلىقتارى:

ەسەپ جانە تولەم پروتسەستەرىن اۆتوماتتاندىرۋ زاڭبۇزۋشىلىقتاردى جەدەل انىقتاۋ بيۋدجەتتىڭ اشىقتىعى مەن تيىمدىلىگىن ارتتىرۋ

وبم جۇيەسى الەۋمەتتىك سالا ۇيىمدارىنداعى جالاقى تولەمدەرىن قاشىقتان باقىلاۋعا مۇمكىندىك بەرەدى. بۇگىندە مونيتورينگ تەك ءبىلىم بەرۋ سالاسىن عانا ەمەس, دەنساۋلىق ساقتاۋ, مادەنيەت, تۋريزم جانە سپورت سالالارىن دا قامتيدى. كۇن سايىن 6 مىڭعا جۋىق مەملەكەتتىك مەكەمەنىڭ 140 ميلليون تەڭگەدەن استام ترانزاكتسياسى تالدانادى.اعىمداعى جىلدىڭ باسىنان باستاپ جەدەل ارەكەت ەتۋ ارقىلى 664 ميلليون تەڭگەدەن استام قاراجاتتى تالان-تاراجعا سالۋدىڭ الدىن الۋعا مۇمكىندىك تۋدى.

«ونلاين بيۋدجەت مونيتورينگى» ءمودۋلى ۇلكەن كولەمدەگى دەرەكتەردى وڭدەۋ جانە اۋديتورلار تاراپىنان حابارلامالاردى دايىنداۋ ۋاقىتىن ايتارلىقتاي قىسقارتتى. بۇل ءوز كەزەگىندە باقىلاۋ شارالارىنىڭ جەدەلدىگى مەن ساپاسىن ارتتىرۋعا ىقپال ەتەدى.سونىمەن قاتار قر قارجى مينيسترلىگى ىشكى مەملەكەتتىك اۋديت كوميتەتى مەن «ەلەكتروندىق قارجى ورتالىعى» اق بىرلەسىپ, ءموبيلدى قوسىمشالار ارقىلى زاڭسىز الىنعان بيۋدجەت قاراجاتىن قايتارۋ بويىنشا جاڭا فۋنكتسيونال ازىرلەۋدە. بۇل تسيفرلىق شەشىم الدىن الۋ شارالارى شەڭبەرىندە ەرىكتى تۇردە قايتارۋ ءراسىمىن ەداۋىر جەڭىلدەتەدى.

«قارجى مينيسترلىگى ءوز پروتسەستەرىن تسيفرلاندىرۋعا بەلسەندى تۇردە ۇمتىلىپ وتىر. زاماناۋي تەحنولوگيالاردى ەنگىزۋ بيۋدجەت قاراجاتىن باسقارۋداعى اشىقتىقتى, جەدەلدىكتى جانە تيىمدىلىكتى ارتتىرۋعا باعىتتالعان. «ونلاين بيۋدجەت مونيتورينگى» ءمودۋلى سياقتى تسيفرلىق قۇرالداردى پايدالانۋ ادامي فاكتوردى ازايتىپ, كۇندەلىكتى وپەراتسيالاردى اۆتوماتتاندىرۋعا جانە باقىلاۋ ساپاسىن جاقسارتۋعا مۇمكىندىك بەرەدى. بۇل مەملەكەتتىك قاراجاتتىڭ ءتيىمدى جانە جاۋاپتى جۇمسالۋىنا سەپتىگىن تيگىزەدى»,  دەپ اتاپ ءوتتى قر قارجى ءمينيسترى ءمادي تاكيەۆ.

الينا قايراتقىزى, ەۇۋ ستۋدەنتى