استانادا ابىلاي حان داڭعىلى ماناس كوشەسىنەن مايلين كوشەسىنە دەيىنگى ارالىقتا جول جابىنىنىڭ ۇستىڭگى قاباتىن توسەۋ جۇمىستارى جۇرگىزىلەدى, دەپ حابارلايدى Egemen.kz.
وسىعان بايلانىستى, 9 جانە 10 ماۋسىم كۇندەرى كورسەتىلگەن ۋچاسكەدە اۆتوكولىكتەر ءۇشىن قوزعالىس تولىقتاي جابىلادى.
سونىمەن قاتار, ابىلاي حان داڭعىلى مەن مايلين كوشەسىنىڭ قيىلىسى دا ۋاقىتشا جابىلادى.
«جۇرگىزۋشىلەر مەن جاياۋ جۇرگىنشىلەردەن ءوز باعىتتارىن الدىن الا جوسپارلاپ, قوزعالىستاعى وزگەرىستەردى ەسكەرۋلەرىن سۇرايمىز. قاۋىپسىزدىكتى قامتاماسىز ەتۋ جانە قولايسىزدىقتاردى ازايتۋ ماقساتىندا ۋاقىتشا جول بەلگىلەرى مەن كورسەتكىشتەر ورناتىلادى», دەپ حابارلادى قالا اكىمدىگىنىڭ ءباسپاسوز قىزمەتى.