الماتى قالاسىنىڭ مەدەۋ اۋدانىنداعى كوكجايلاۋ شاتقالىندا (تەڭىز دەڭگەيىنەن 2200 م بيىكتىكتە) سەرۋەندەپ جۇرگەن ءۇش ءجاسوسپىرىم تاۋدان ءتۇسۋ كەزىندە باعىتىنان اداسىپ قالدى. وقيعا جاۋىن-شاشىن كەزىندە بولدى, دەپ حابارلايدى Egemen.kz.
17 جاستاعى جاسوسپىرىمدەر شۇعىل تۇردە 112 قىزمەتىنە حابارلاسىپ, كومەك سۇراعان. قوڭىراۋ بويىنشا انىقتالعان گەولوكاتسيا دەرەكتەرى نەگىزىندە توتەنشە جاعدايلار مينيسترلىگىنىڭ رەسپۋبليكالىق جەدەل-قۇتقارۋ جاساعى (رجقج) ىزدەستىرۋ توبى دەرەۋ وقيعا ورنىنا جىبەرىلدى.
قۇتقارۋشىلار جاياۋ ىزدەۋ جۇمىستارىن شۇعىل تۇردە باستاپ, كوپ ۇزاماي جاسوسپىرىمدەردى تاپتى. مەديتسينالىق كومەكتى قاجەت ەتپەگەنىمەن, ولار تاۋدا ءبىراز ۋاقىت اداسىپ, جاڭبىردان كەيىنگى قيىن جاعدايدا قالعان.
كاسىبي ءارى جەدەل ارەكەتتەردىڭ ارقاسىندا جاسوسپىرىمدەر ەش زارداپسىز قاۋىپسىز ايماققا جەتكىزىلدى. بۇل قۇتقارۋ وپەراتسياسى تجم ماماندارىنىڭ جوعارى دايىندىق دەڭگەيىن كورسەتتى.