شەتەلدىك كومپانيا تۇركىستان وبلىسىنا شامامەن 290 ميلليون اقش دوللارىن ينۆەستيتسيالاۋدى جوسپارلاپ وتىر. كومپانيا وكىلدەرىنىڭ مالىمەتىنشە, ينۆەستيتسيا ازاماتتىق جانە ارنايى ماقساتتاعى تىكۇشاقتار مەن درونداردى وندىرۋگە باعىتتالماق. ياعني تىكۇشاقتار مەن ۇشقىشسىز ۇشۋ اپپاراتتارىن, جۇك تاسىمالدايتىن درونداردى وندىرەتىن جاڭا زاۋىت اشۋعا نيەتتى, دەپ حابارلايدى Egemen.kz.
ينۆەستورلاردىڭ وبلىس اكىمى نۇرالحان كوشەروۆپەن كەزدەسۋىندە جوبانى جۇزەگە اسىرۋ شارتتارى تالقىلاندى. جوبا تومەنگى اۆياتسيا ەكونوميكاسىنىڭ جىلدام دامىپ كەلە جاتقان سالاسىنا باعىتتالعان – بيىكتىگى 3000 مەترگە دەيىنگى ۇشۋ اپپاراتتارى. زاماناۋي تەحنيكالار قالا ىشىندەگى اۋە تاسىمالى, دروندار ارقىلى تاۋار جەتكىزۋ جانە جەدەل كومەك كورسەتۋ, سونداي-اق اۋىل شارۋاشىلىعى مەن ونەركاسىپ سالالارىندا قولدانىلادى. اۋقىمدى زاۋىتتىڭ قۇرىلىسى ءۇشىن يندۋستريالىق ايماقتار مەن ساۋران اۋدانى پوتەنتسيالدى ورىن رەتىندە ۇسىنىلدى. بۇل جوبا وڭىردەگى ەڭ تەحنولوگيالىق وندىرىستەردىڭ ءبىرى بولۋى مۇمكىن. زاۋىتتا 150-گە دەيىن جاڭا جۇمىس ورنى اشىلىپ, وڭىرلىك ونەركاسىپتىڭ جاڭا باعىتتارى دامۋى كۇتىلۋدە. وبلىس اكىمى ىنتىماقتاستىققا اشىق جانە ينۆەستورلاردى بارلىق كەزەڭدە قولداۋعا دايىن ەكەنىن اتاپ ءوتتى.
ايتا كەتەلىك, سوڭعى ءۇش جىلدا وبلىستا قىتاي كاپيتالى قاتىسقان 110 ميلليون دوللار كولەمىندەگى 4 ينۆەستيتسيالىق جوبا جۇزەگە اسىرىلدى, تاعى 1,1 ميلليارد دوللاردى قۇرايتىن 7 جوبا ىسكە اسىرىلۋ ساتىسىندا.